रब्बी पीक स्पर्धा सुरू! विजेत्याला किती रुपयांचे बक्षीस? नोंदणी कुठे कराल?

मुंबई : राज्यातील कृषी उत्पादन वाढवण्यासाठी शेतकरी सातत्याने नवनवीन प्रयोग करत असतात. आधुनिक तंत्रज्ञानाचा वापर, सुधारित बियाणे आणि क्षेत्रनिहाय योग्य पद्धतींचा अवलंब करून अनेक शेतकरी उत्पादनात उल्लेखनीय वाढ साध्य करत आहेत. अशा प्रयोगशील आणि नाविन्यपूर्ण काम करणाऱ्या शेतकऱ्यांना प्रोत्साहन मिळावे, त्यांचे मनोबल वाढावे आणि इतर शेतकऱ्यांमध्येही प्रेरणा निर्माण व्हावी, यासाठी राज्य सरकारने पीकस्पर्धा योजना राबविली आहे. ही योजना केवळ शेतकऱ्यांच्या कौशल्याला वाव देत नाही, तर राज्याच्या एकूण उत्पादनवाढीतही महत्त्वाची भूमिका बजावते.