शेतजमिनीच्या ७/१२ उताऱ्यातून मयत व्यक्तीचे नाव कसं कमी करायचे? वाचा सविस्तर

मुंबई : शेतजमिनीच्या ७/१२ उताऱ्यात (जमाबंदी उतारा) अनेक वेळा अशा व्यक्तींची नावे कायम राहतात ज्यांचे निधन झालेले असते. यामुळे पुढील जमीन व्यवहार, वाटप किंवा कर्जप्रक्रियेत अडथळे निर्माण होतात. या समस्येवर तोडगा म्हणून महसूल विभागाने मृत खातेदाराचे नाव ७/१२ उताऱ्यावरून काढून टाकण्यासाठी स्पष्ट मार्गदर्शक सूचना जारी केल्या आहेत. आता वारसांना अतिरिक्त फेरफार किंवा गुंतागुंतीच्या प्रक्रियेत अडकावे लागणार नाही.