अमेरिकेचा भारताला मोठा दिलासा! कोणत्याही निर्बंधांशिवाय मत्स्य निर्यात करता येणार, किती फायदा होणार?

मुंबई : भारताच्या मत्स्य निर्यातीसाठी मोठी आनंदवार्ता आहे. अमेरिकेच्या यूएस नॅशनल मरीन फिशरीज सर्व्हिस (NMFS) या संस्थेने अधिकृतपणे मान्यता दिली आहे की, भारताची सीफूड निर्यात मरीन मॅमल प्रोटेक्शन अॅक्ट (MMPA) च्या सर्व मानकांची पूर्तता करते. या निर्णयामुळे ३१ डिसेंबर २०२५ नंतरही भारतातून अमेरिकेत मासे आणि इतर सागरी उत्पादने कोणत्याही निर्बंधांशिवाय निर्यात करता येणार आहेत. हा भारताच्या मत्स्य उद्योगासाठी दिलासादायक निर्णय मानला जात आहे.