16 लोकांचे एकत्र कुटुंब, फळबाग शेतीतून मिळाली भरारी, प्रत्येक व्यक्तीसाठी प्रेरणा देणारी कहाणी

पुढे अनंत सांगतात, आधी आम्ही शेतात पारंपरिक पिकं घेत होतो. पण, त्यात उत्पन्न जेमतेम होत असल्याने आम्ही फळबाग शेतीकडे वळलो. फळबाग मध्ये सर्वात आधी केळीची लागवड केली होती. त्यातून चांगले उत्पन्न मिळाले. कालांतराने पाण्याचा सोर्स कमी झाला आणि त्यातच केळीला भाव सुद्धा कमी मिळत होता. तेव्हा मग कमीत कमी वेळात आणि खर्चात जास्त उत्पन्न देणारे पिकं घ्यायचे म्हणून कलिंगडची शेती करायला सुरुवात केली. त्यातूनही चांगले उत्पन्न मिळत होते. मात्र भाव मिळत नव्हता, म्हणून नंतर पपई आणि खरबूज शेती करायला सुरवात केली. सध्या 25 एकरमध्ये पपईची लागवड केली आहे. तर 22 एकर मध्ये खरबूज लागवड करण्याचे नियोजन आहे. त्याचबरोबर 13 एकर केळी आणि 20 एकर संत्रा आहे.

1. नियोजित व्यवस्थापन

पपई आणि खरबूज या दोन्ही पिकांवर लहान असताना रोग जाण्याची भीती असते. त्यामुळे एक महिन्यापर्यंत हे दोन्ही पिकं क्रॉप कव्हरमध्ये ठेवावे लागतात. खरबूजमध्ये लागवड झाल्यानंतर 12 दिवसांनी क्रॉप कव्हर दिले जाते. क्रॉप कव्हर वापरल्याने फळांची गुणवत्ता वाढते. रोपांना उन्हाची झळ बसत नाही. रोप ताजे राहते आणि फळांची गुणवत्ता सुधारते. किड लागत नाही, त्यामुळे कोणतेही नाशक वापरण्याची गरज पडत नाही.

पपईचे एकरी उत्पन्न हे 30 टनांपर्यंत होते. पपईला 10 ते 15 रुपये असा दर मिळतो. पपईची खरेदी जाग्यावरूनच होते. देशभरातील व्यापारी पपईची खरेदी करतात. तर खरबूज हे 10 ते 12 टनांपर्यंत उत्पन्न मिळवून देते. खरबूजला 15 ते 20 रुपये असा दर मिळतो. खरबूज सुद्धा राज्यभरातील व्यापारी खरेदी करतात. यामुळे फळबाग शेती परवडण्यासारखी आहे, असे अनंत यांनी सांगितले.