Namo Shetkari Installment : प्रतीक्षा संपली! नमो शेतकरी सन्मानचे 2,000 रु खात्यात जमा,असे करा स्टेटस चेक

गेल्या अनेक महिन्यांपासून शेतकरी नमो शेतकरी सन्मान निधी (Namo Shetkari Sanman Nidhi) योजनेच्या सहाव्या हप्त्याची आतुरतेने वाट पाहत होते. 24 फेब्रुवारी रोजी पंतप्रधान किसान सन्मान निधी (PM Kisan Yojana) योजनेचा 19 वा हप्ता वितरित करण्यात आला. त्यावेळी अनेकांना नमो शेतकरी निधीचाही हप्ता मिळेल अशी अपेक्षा होती, मात्र तो न मिळाल्याने शेतकऱ्यांमध्ये नाराजी होती. त्यामुळे गेल्या काही दिवसांपासून सातत्याने शासनाकडे यासंदर्भात विचारणा केली जात होती.

शेतकऱ्यांच्या मागणीला प्रतिसाद देत राज्य शासनाने नमो शेतकरी सन्मान निधीच्या सहाव्या हप्त्याच्या वितरणासाठी निधी मंजूर केला. हा निधी ३१ मार्चपूर्वी शेतकऱ्यांच्या खात्यात जमा केला जाईल, अशी अपेक्षा होती. मात्र, काही तांत्रिक अडचणींमुळे विलंब झाला. अखेर 2 एप्रिल 2025 पासून शेतकऱ्यांच्या खात्यात पैसे जमा होण्यास सुरुवात झाली असून, एकूण 2170 कोटी रुपयांचा निधी वितरित केला जात आहे.

मार्च महिन्याच्या अखेरीस बँक प्रक्रियेमुळे आणि काही तांत्रिक कारणांमुळे शेतकऱ्यांच्या खात्यात हप्ता जमा होऊ शकला नव्हता. मात्र, आता शासनाने त्वरित पावले उचलत थकीत हप्ते आणि सहावा हप्ता दोन्ही एकत्र वितरित करण्यास सुरुवात केली आहे.

शेतकऱ्यांना त्यांच्या खात्यात निधी जमा झाला आहे की नाही, हे पाहण्यासाठी सरकारच्या अधिकृत वेबसाईटवर जाऊन स्टेटस तपासता येईल.

अधिकृत वेबसाईटला भेट द्या: https://nsmny.mahait.org/Beneficiary_Status/Beneficiary

तुमचे नाव आणि पत्ता