दिवाळीत PM Kisan चा २१ वा हप्ता खात्यात जमा होणार? समोर आली नवीन अपडेट

केंद्र सरकारने या चार राज्यांतील शेतकऱ्यांना प्राधान्य दिले आहे. कारण, गेल्या काही आठवड्यांत या भागात अतिवृष्टी, पूर आणि भूस्खलन यांसारख्या नैसर्गिक आपत्तीमुळे शेतकऱ्यांच्या पिकांचे प्रचंड नुकसान झाले होते. शेतकऱ्यांना तातडीचा दिलासा मिळावा म्हणून केंद्राने २१ वा हप्ता वेळेपूर्वीच जारी केला आहे.

११ ऑक्टोबर रोजी पंतप्रधान नरेंद्र मोदी यांनी देशातील शेतकऱ्यांना आणखी एक मोठी भेट दिली. त्यांनी ४२,००० कोटींपेक्षा जास्त किमतीच्या कृषी योजना आणि प्रकल्पांचे उद्घाटन आणि भूमिपूजन केले. यामध्ये विशेषतः दोन महत्त्वाच्या योजना जाहीर करण्यात आल्या आहेत.

२०२३ साली १५ नोव्हेंबरला हप्ता जारी करण्यात आला होता, तर २०२४ मध्ये ५ ऑक्टोबरला १८ वा हप्ता शेतकऱ्यांच्या खात्यात जमा झाला. या पार्श्वभूमीवर २०२५ चा २१ वा हप्ता ऑक्टोबरच्या पहिल्या आठवड्यात मिळेल, अशी अपेक्षा होती. मात्र, अद्याप निधी फक्त काही राज्यांनाच दिला गेला आहे.

सरकारने स्पष्ट केले आहे की, जर काही आवश्यक प्रक्रिया पूर्ण नसेल, तर रक्कम खात्यात जमा होणार नाही. त्यामध्ये पुढील कारणांचा समावेश आहे. जसे की, ई-केवायसी पूर्ण केलेली नाही, आधार क्रमांक बँक खात्याशी लिंक नाही, बँक खात्याचा IFSC कोड किंवा खाते क्रमांक चुकीचा आहे.तसेच बँक खाते बंद आहे, नाव किंवा वैयक्तिक माहितीमध्ये चूक आहे.