तुमचा शेतमाल हमीभावापेक्षा कमी दराने खरेदी केला जातोय का? तक्रार कुठे कराल?

बुलढाणा : जिल्ह्यातील सर्वच कृषी उत्पन्न बाजार समित्यांमध्ये सध्या शेतमालाची खरेदी केंद्र सरकारने निश्चित केलेल्या हमीभावापेक्षा कमी दराने केली जात आहे. त्यामुळे शेतकऱ्यांमध्ये तीव्र नाराजी असून, बाजार व्यवस्थेवर प्रश्नचिन्ह उपस्थित होत आहे. शेतकऱ्यांच्या हितासाठी अस्तित्वात असलेला ‘महाराष्ट्र कृषी उत्पन्न पणन (विनियमन) अधिनियम १९६३’ लागू असतानाही जिल्ह्यातील एका व्यापाऱ्यावरही अद्याप कारवाई झालेली नाही, ही बाब चिंताजनक आहे.