हे सूर्यग्रहण अटलांटिक महासागरापासून सुरू होईल. नंतर ते जिब्राल्टरच्या सामुद्रधुनी, दक्षिण स्पेन, उत्तर मोरोक्को, उत्तर अल्जेरिया, उत्तर ट्युनिशिया, ईशान्य लिबिया, इजिप्त, सुदान, नैऋत्य सौदी अरेबिया, येमेन, सोमालिया आणि अरबी द्वीपकल्पातील इतर देशांमध्ये दिसत जाईल. हिंदी महासागरावर ते अस्पष्ट दिसू लागेल. इतिहासातील सर्वात मोठे पूर्ण सूर्यग्रहण ७ मिनिटे २८ सेकंद चालले होते, ते इ.स.पू. ७४३ मध्ये झाले.
advertisement
या सूर्यग्रहणाला 'ग्रेट नॉर्थ आफ्रिकन एक्लिप्सन' असेही म्हटले जात आहे. याचे कारण म्हणजे ते आफ्रिकेतील बहुतेक देशांमधून दिसेल. बहुतेक सूर्यग्रहणे ३ मिनिटांपेक्षा कमी काळ असतात, परंतु २ ऑगस्ट २०२७ रोजी होणाऱ्या पूर्ण सूर्यग्रहणामुळे जगातील अनेक भाग पूर्ण ६ मिनिटे अंधारात बुडालेला पाहायला मिळेल.
धाडसानं केलेलं काम यश मिळवून देणार! जुलैच्या शेवटी मंगळ या राशींचे भाग्य उजळणार
एवढ्या मोठ्या सूर्यग्रहणाचे कारण काय?
याचे कारण म्हणजे सूर्य-चंद्र आणि पृथ्वी यांच्यातील दुर्मीळ खगोलीय संरेखन. इतक्या मोठ्या सूर्यग्रहणाची तीन मुख्य कारणे आहेत. पहिले म्हणजे पृथ्वी सूर्यापासून सर्वात दूर अंतरावर असेल. याला अपसौर म्हणतात. यामुळे, सूर्य पृथ्वीपासून लहान दिसेल. त्याच वेळी, चंद्र पृथ्वीच्या सर्वात जवळ असेल, ज्यामुळे तो मोठा दिसेल. तिसरे म्हणजे, चंद्राची सावली विषुववृत्तावर पडेल आणि सावली हळूहळू वाढेल.