Mangal Gochar 2025: धाडसानं केलेलं काम यश मिळवून देणार! जुलैच्या शेवटी मंगळ या राशींचे भाग्य उजळणार

या गोचरचे वैशिष्ट्य असे आहे की, कन्या राशीचा स्वामी ग्रह बुध आहे आणि मंगळ व बुध यांच्यात शत्रुत्वाचा संबंध मानला जातो. याशिवाय, कन्या राशीत आधीपासून केतू विराजमान असल्याने, या दोन ग्रहांची (मंगळ आणि केतू) युती काही राशींसाठी आव्हानात्मक ठरू शकते.

मंगळ ग्रह २८ जुलै रोजी संध्याकाळी ७:५८ वाजता कन्या राशीत भ्रमण करणार आहे. या राशीचा स्वामी बुध आहे, तो धन, समृद्धी आणि सुख-शांतीचा कारक आहे. कन्या राशीत मंगळाचा प्रवेश ३ राशींसाठी खूप फायदेशीर ठरणार आहे. त्यांना करिअरमध्ये वाढ आणि उत्पन्नात वाढ दिसून येऊ शकते. जाणून घेऊया त्या भाग्यवान राशी कोणत्या आहेत.

मीन - मीनचा राशीचा अधिपती ग्रह बृहस्पति आहे, त्याचे मंगळाशी मैत्रीपूर्ण संबंध आहेत. तुमच्या कुंडलीत मंगळ वैवाहिक जीवनासाठी सरप्राईज भेट देणार आहे. अविवाहित लोकांना लग्नाचे प्रस्ताव मिळू शकतात. विवाहित लोकांना जोडीदाराकडून पूर्ण पाठिंबा मिळण्याची शक्यता आहे. समाजात तुमचा आदर वाढेल. लोक तुमच्या निर्णयांचा आदर करतील.

सिंह - ज्योतिषांच्या मते, मंगळ तुमच्या कुंडलीच्या दुसऱ्या घरात भ्रमण करणार आहे. यामुळे तुमच्यासाठी शुभ योग जुळण्याची शक्यता आहे. नोकरीसोबतच तुम्ही नवीन व्यवसायातही हात आजमावू शकता. ज्यामुळे तुमची आर्थिक स्थिती चांगली राहील. तुमच्या कुंडलीत अचानक आर्थिक लाभ होण्याची शक्यता आहे. जुन्या बचत योजनेतून चांगले उत्पन्न मिळण्याची शक्यता आहे.

धनु - मंगळाचे भ्रमण तुमच्यासाठी शुभ राहणार आहे. २८ जुलै नंतर नोकरी करणाऱ्या लोकांचे स्थान आणि प्रभाव वाढू शकतो. काही नवीन जबाबदाऱ्या देखील मिळू शकतात. स्वतःचा व्यवसाय करणाऱ्यांचा नफा पूर्वीपेक्षा जास्त वाढेल. तुम्हाला अनेक फायदेशीर सौदे मिळू शकतात. तुम्ही कुटुंबासह कुठेतरी बाहेर जाण्याचा प्लॅन आखू शकता.
(सूचना : येथे दिलेली माहिती ज्योतिषीय ज्ञानावर आधारित आहे. याला कोणताही शास्त्रीय पुरावा नाही. न्यूज 18 मराठी त्याची हमी देत नाही.)