आयपीएल 2025

इंडियन प्रीमियर लीग (Indian Premier League) चा 18 वा हंगाम 2025 मध्ये खेळवला जाणार आहे. 2008 साली आयपीएलला सुरूवात झाली होती. आयपीएल (IPL) ही जगातील सर्वात मोठी आणि श्रीमंत टी20 लीग आहे. वर्षभर क्रिकेटप्रेमी आयपीएलची आतुरतेनं वाट पाहत असतात. आयपीएल 2025 मध्ये एकूण 10 टीम्स भाग घेत आहेत. कोलकाता नाईट रायडर्स हा गतविजेता संघ आहे. आयपीएल 2025 हा स्पर्धेचा 18 वा हंगाम असून सर्व लढती मार्च ते मे या महिन्यादरम्यान होत आहे. आयपीएलचं आयोजन भारतीय क्रिकेट कंट्रोल बोर्ड (बीसीसीआय) द्वारे केलं जातं. ज्यामध्ये जगभरातील क्रिकेट स्टार वेगवेगळ्या फ्रेंचाईजी टीममधून खेळतात. यंदा आयपीएल 2025 मध्ये 10 फ्रेंचाईजी टीम्स भाग घेतील. आयपीएलच्या इतिहासातील दोन सर्वात यशस्वी फ्रेंचाईजी टीम्समध्ये चेन्नई सुपरकिंग्ज्स आणि मुंबई इंडियन्सचा समावेश होतो. चेन्नई सुपरकिंग्ज्स (CSK)आणि मुंबई इंडियन्स (MI) दोन्ही टीम्सच्या नावावर प्रत्येकी पाच-पाच आयपीएल किताब आहेत. आयपीएल 2025 साठी लिलाव 24 नोव्हेंबर 2024 ला झाले होते. आयपीएल 2025 मध्ये मुंबई इंडियन्सचे नेतृत्व हार्दिक पांड्याकडेच असेल. गेल्या म्हणजेच आयपीएल 2024 च्या सिझन आधी मुंबई इंडियन्सने हार्दिक पांड्याला आपला नवा कर्णधार म्हणून घोषित केले होते. तर रोहित शर्मा पुन्हा एकदा सीनियर खेळाडू म्हणून खेळताना दिसेल. आयपीएल फॅन्ससाठी अजून एक महत्त्वाची बाब म्हणजे, 2025चे आयपीएल हे महेंद्र सिंग धोनीचा शेवटचा हंगाम ठरू शकते.