अभिषेकने केलं होतं ऐश्वर्याचं कौतुक
या व्हिडिओत अभिषेक आणि निम्रत दिसत आहेत. हा व्हिडिओ 'दसवीं' चित्रपटाच्या प्रमोशनचा आहे. या चित्रपटात अभिषेक, निम्रत मुख्य भूमिकेत होते. अभिषेकने बॉलिवूड हंगामाला दिलेल्या मुलाखतीत म्हटलं होतं की "माझी पत्नी खूप खूप कमालीची आहे. ती माझ्यासाठी एक अद्भुत भावनिक आधार आहे. मी खूप नशिबवान आहे, माझं कुटुंबही नशिबवान आहे. ऐश्वर्यासारखी जोडीदार असण्याची सर्वांत चांगली गोष्ट म्हणजे ती याच फिल्डमध्ये आहे, त्यामुळे तिला या गोष्टी समजतात. ती माझ्यापेक्षा थोडं आधीपासून हे काम करतेय, त्यामुळे तिला हे जग माहीत आहे. या सगळ्यातून ती गेली आहे. त्यामुळे जेव्हा मी थकून घरी जातो तेव्हा मला समजून घेणारी व्यक्ती घरात असते."
advertisement
( Bigg Bossमध्ये दिसला अभिजीत सावंत, कुठे आहे Indian Idol चा दुसरा विनर? सिंगरची ट्रॅजिक स्टोरी )
काळजीपूर्वक ऐकत होती निम्रत
अभिषेकचे जे बोलत होता ते निम्रत लक्षपूर्वक ऐकत होती. काहीवेळी ती त्याच्या बोलण्याला होकार देत होती. यात अभिषेक पुढे म्हणाला होता, "मी नेहमी पाहिलंय की ती एक अशी व्यक्ती आहे जिने तिच्या आयुष्यातील सर्वात कठीण काळाचा खूप आदराने आणि सभ्यतेने सामना केला. तिच्या या गुणाचे मला खूप कौतुक वाटते. अभिनेते भावनिक असतात, आम्ही खूप संवेदनशील असतो. काही वेळा असं होतं की आम्हाला चिथवण्याचा प्रयत्न होतो आणि आम्ही चिडतो. तुम्ही फक्त एवढेच सहन करू शकता मात्र मी तिला असे करताना कधी पाहिले नाही."
सध्या सोशल मीडियावर अभिषेक आणि निम्रत कौर यांच्या अफेअरच्या चर्चा होत आहेत. निम्रतमुळे अभिषेक आणि ऐश्वर्याच्या नात्यात दुरावा आला आहे, असे म्हटले जात आहे. 'दसवीं' चित्रपटात अभिषेक, निम्रतने एकत्र काम केलं होतं, त्यावेळी ते जवळ आले, असं म्हटलं जात आहे. मात्र या तिन्ही स्टार्सनी या अफवांवर प्रतिक्रिया दिलेली नाही.
अभिषेकचा आगामी चित्रपट
अभिषेक शाहरुख खानच्या 'किंग' चित्रपटात खलनायकाच्या भूमिकेत दिसणार आहे. यामध्ये सुहाना खानदेखील आहे. या चित्रपटाचे दिग्दर्शन 'कहानी' फेम सुजॉय घोष करत आहेत. ऐश्वर्या राय बच्चन 'पोन्नियन सेल्वन 2'मध्ये शेवटची दिसली होती.