TRENDING:
पण, हे गाणे ऐकायला आणि पाहायला जितके सोपे आहे, तितकं गायला सोपं नाही. म्हणूनच कदाचित अद्याप कोणीही या गाण्याचं कव्हर व्हर्जन बनवण्याचं धाडस केलेलं नाही. हे गाणं गाण्याचा प्रयत्न करताना भल्याभल्या गायकांची बोबडी वळतेय. अशातच, मराठमोळी अभिनेत्री किशोरी गोडबोले यांची मुलगी आणि अभिनेत्री-गायिका सई गोडबोले हिने हे आव्हान स्वीकारले आणि तिचं हे गाणं गातानाचा व्हिडिओ तुफान व्हायरल झाला आहे.
advertisement
FA9LA गाणारी एकमेव!
सईने नुकताच इन्स्टाग्रामवर 'FA9LA' हे गाणे गातानाचा व्हिडिओ शेअर केला. तिचं गाणं आणि आवाजातील स्पष्टता पाहून अनेकांनी तिचे कौतुक केले. 'हे गाणे इतक्या सफाईदारपणे गाणारी ती एकमेव आहे,' अशा कमेंट्स चाहत्यांनी केल्या आहेत.
सई गोडबोले केवळ उत्कृष्ट गायिकाच नाही, तर तिची भाषिक पकड आणि ॲक्सेंट जबरदस्त आहे. सईला नवीन भाषा किंवा बोलण्याची पद्धत आत्मसात करण्याची कला चांगलीच जमते. सईचा एक मिनिटाचा व्हिडिओ सोशल मीडियावर प्रचंड व्हायरल झाला होता, ज्यात तिने १० वेगवेगळ्या ॲक्सेंटमध्ये संवाद साधला होता. 'फ्रोजन'मधील बेबी अन्ना, रचेल ग्रीन, शकीरा, ऑस्ट्रेलियन, ब्रिटिश आणि फ्रेंच यांसारख्या ॲक्सेंटमध्ये तिचे बोलणे ऐकून नेटकरी थक्क झाले होते.
'धुरंधर' चित्रपटाने जसा बॉक्स ऑफिसवर धुमाकूळ घातला आहे, तसाच 'FA9LA' गाण्याने इंटरनेटवर गाजवले आहे. सोशल मीडिया क्वीन असलेल्या सई गोडबोलेने हे कठीण गाणं गाण्याचे आव्हान स्वीकारून पुन्हा एकदा तिच्या मल्टीटॅलेंटेड व्यक्तिमत्त्वाची झलक दाखवून दिली आहे.