सूरज चव्हाणच्या 'झापुक झूपक'चा मुहूर्त नुकताच संपन्न झाला आहे. सिनेमाच्या मुहूर्तासाठी सूरज चव्हाण मुंबईत आला आहे. सिनेमाच्या मुहूर्ताच्या दिवशी सिनेमाचं पहिलं पोस्टरही रिलीज करण्यात आलं आहे. अभिनेत्री दिपाली पानसरे हिने सिनेमाच्या मुहूर्ताचे फोटो शेअर केले आहेत.
( Suraj Chavan : बिग बॉस विनर सूरज चव्हाणवर आली पुन्हा मजूरी करायची वेळ? VIDEO आला समोर )
advertisement
'झापुक झुपूक' सिनेमात सूरज चव्हाणची हिरोईन कोण असणार याकडे सर्वांचं लक्ष असतं. समोर आलेल्या फोटोंमध्ये टेलिव्हिजनच्या तीन नायिका दिसत आहेत. 'तुमची मुलगी काय करते' या मालिकेची अभिनेत्री जुई भागवत, 'अबीर गुलाल' मालिकेची नायिका पायल जाधव आणि 'आई कुठे काय करते' मालिकेतील पहिली संजना अभिनेत्री दिपाली पानसरे दिसत आहे. त्याचबरोबर अभिनेता पुष्कराज चिरपुटकही आणि 'पिरतीचा वणवा उरी पेटला' मालिकेतील अभिनेता इंद्रलीन कामत देखील दिसत आहे.
या फोटोवरून हे लक्षात येत आहे की सूरजची हिरोईन जुई भागवत, पायल जाधव किंवा दिपाली पानसरे असू शकते. 'झापुक झुपूक' सिनेमाचा मुहूर्त पार पडल्याचं कळताच सूरज चव्हाणचे चाहते खुश झाले आहेत.