खरं तर कालच रविवारी पंढरीतील विठ्ठल मंदिर समितीची बैठक पार पडली होती.मंदिर समितीचे सहअध्यक्ष गहिनीनाथ महाराज औसेकर यांच्या अध्यक्षतेखाली ही बैठक पार पडली होती.या बैठकीत उपमुख्यमंत्री दोन, पण पुजेचा मानकरी कोण? अशी चर्चा सूरू होती.
आषाढी एकादशीची महापूजा ही मुख्यमंत्र्यांच्या हस्ते होते. तर कार्तिकी एकादशीची महापूजा उपमुख्यमंत्र्यांच्या हस्ते करण्याची परंपरा विठ्ठल मंदिरात आहे. यंदा कार्तिकी एकादशी 2 नोव्हेंबर रोजी आहे. त्यानुसार, कार्तिकीची पूजा शिवसेनेचे एकनाथ शिंदे का राष्ट्रवादीचे अजित पवार? यापैकी कोणत्या उपमुख्यमंत्र्यांच्या हस्ते करायची याची विचारणा मंदिर समितीने विधी व न्याय विभागाकडे केली होती. त्यानूसार आता विधी व न्याय विभागाने एकनाथ शिंदे यांच्या नाव ठरवले आहे.
advertisement
त्यामुळे यंदाच्या वर्षी कार्तिकी एकादशीची शासकीय महापूजा उप मुख्यमंत्री एकनाथ शिंदे यांच्या हस्ते होणार आहे.एकनाथ शिंदे सपत्नीक ही पूजा करणार आहे. विधी व न्याय विभागाने एकनाथ शिंदे यांचे नाव सुचवल्यानंतर मंदिर समितीचे कार्यकारी अधिकार राजेंद्र शेळके यांनी याबाबतची माहिती दिली आहे.
दरम्यान आषाढी यात्रेप्रमाणेच कार्तिकी यात्रेलाही सर्व सुविधा देण्याचा निर्णय घेण्यात आला. यंदा कार्तिकी सोहळ्यात 26 ऑक्टोंबरपासून भाविकांना 24 तास दर्शन व्यवस्था सुरू करण्याबाबत निर्णय घेण्यात आला.