असा तयार होतो गजराज
एका गावावरून मोठ्या प्रमाणात तणस विकत आणलं जातं. या तणसाला बैलबंडीवर विशिष्ट पद्धतीने मांडून त्याला गजराजाचा म्हणजेच मोठ्या हत्तीचा आकार दिला जातो. हे काम मोठ्या कलाकारीचं आहे. या कामामध्ये गावातीलच अंड्रस्कर परिवारासह मित्रमंडळी एकत्र येऊन गजराज उभारतात. तणसाला विशिष्ट पद्धतीने बांधून त्यावर पोत्याच्या सहाय्याने आकर्षक रित्या तयार करून वेगवेगळ्या वस्तूंच्या साह्याने सजवलं जातं आणि हा भला मोठा हत्ती म्हणजेच गजराज मिरवणुकीसाठी तयार केला जातो.
advertisement
अंड्रस्कर परिवार जोपासतोय वारसा
शंभर वर्षांची परंपरा असलेल्या विरूळ यात्रा महोत्सवामध्ये तणसापासून हत्ती म्हणजेच गजराज बनविण्याची परंपरा आजही कायम आहे. हा गजराज तयार करण्यासाठी अंदाजे आठवडाभरापूर्वी गावकरी तयारीला लागतात. अंड्रस्कर परिवार अनेक वर्षांपासून हा गजराज तयार करत असून सध्या रमेश अंड्रस्कर हा गजराज तयार करतात. हा गजराज आता आकर्षक रित्या बनवून तयार आहे.
सप्त खंजिरीच्या प्रबोधन परंपरेचा महाराष्ट्र सरकारकडून गौरव, कोण आहेत भाऊसाहेब थुटे?
नागरिकांची जमते गर्दी
विरुळातील आबाजी महाराजांचा यात्रा महोत्सव हा वर्धेकरांसाठी उत्साहाचं स्थान असतं. यावर्षी 6 डिसेंबर पासून या यात्रा महोत्सवाला सुरुवात होत असून जिल्हाभरातून भाविकांची गर्दी या ठिकाणी जमते. भाविक भक्त मोठ्या श्रद्धेने हा सोहळा बघण्यासाठी येत असतात. मिरवणुकीमध्ये आबाजी महाराज यांची पालखी तणासापासून तयार केलेला गजराज तसेच विदर्भस्तरीय वारकरी दिंडी स्पर्धा हे या मिरवणुकीचे मुख्य आकर्षण असतं.