'हे' लोक राहा टेन्शन फ्री! त्यांना HSRP नंबर प्लेटची गरजच नाही, यात तुम्ही आहात?

HSRP Number Plate News: राज्यभरात हाय सिक्युरिटी नंबर प्लेट लावण्यासाठी वाहनधारकांची गडबड पाहायला मिळत आहे. या दरम्यान सरकारने दिलासा देत एसएसआरपी नंबर प्लेट लावण्याची मुदत वाढवली आहे.

याच कारणामुळे तुम्ही जर अजूनही हाय सिक्युरिटी नंबर प्लेट लावली नसेल तर टेन्शन घेऊ नका. तुम्हाला पुन्हा संधी मिळणार आहे. ही संधी सोडू नका. कारण पुन्हा हाय सिक्युरिटी नंबरप्लेटसाठी मुदतवाढ होणार नाही.

म्हणूनच तुम्ही हाय सिक्युरिटी नंबरप्लेट लावली नसेल तर लगेच पाऊलं उचला. राज्य परिवहन विभागाने High-Security Registration Plate लावण्याची अंतिम मुदत 30 जून आहे.

एचएसआरपी म्हणजे काय? : हाय सिक्युरिटी नंबर प्लेट ही अॅल्युमिनियमपासून बनवलेली नंबर प्लेट असते. जी वाहनाच्या पुढील आणि मागील बाजूस बसवलेली असते. HSRP वरच्या डाव्या कोपऱ्यात निळ्या क्रोमियम-आधारित अशोक चक्र होलोग्राम आहे. त्याच्या डाव्या कोपऱ्यात एक यूनिक लेसर-ब्रँडेड 10-अंकी स्थायी ओळख क्रमांक (पिन) दिलेला आहे.

याशिवाय, नोंदणी क्रमांकाच्या अंकांवर आणि अक्षरांवर एक हॉट-स्टॅम्प फिल्म लावली जाते आणि त्यासोबत निळ्या रंगात 'IND' लिहिले जाते. विशेष म्हणजे वाहनाच्या डिजिटल नोंदणीनंतरच HSRP जारी केले जाते आणि ते वाहनाशी जोडलेले असते. अशाप्रकारे, या प्लेट्स वेगळ्या कारवर वापरता येत नाहीत आणि चोरीला जाण्यापासून आणि या प्लेट्सच्या इतर कोणत्याही प्रकारच्या गैरवापरापासून बचाव करण्यासाठी त्या डिझाइन केल्या आहेत.

एचएसआरपी का आवश्यक आहे? : पूर्वी उपलब्ध असलेल्या नंबर प्लेट्समध्ये छेडछाड करणे सोपे होते आणि त्या सहजपणे काढता आणि बदलता येत होत्या. त्यामुळे वाहन चोरीच्या घटनांमध्येही लक्षणीय वाढ झाली. अनेकदा असे दिसून आले की वाहन चोरी केल्यानंतर, चोर नोंदणी क्रमांक बदलत असत, ज्यामुळे अधिकाऱ्यांना वाहनाचा माग काढणे जवळजवळ अशक्य होते. एचएसआरपी नंबर प्लेट्स लागू झाल्यानंतर, कार चोरीच्या घटना कमी झाल्या आहेत कारण त्या फक्त एकदाच वापरता येतात आणि वाहनावर बसवल्यानंतर उघडत नाहीत.

दुसरीकडे, एचएसआरपीच्या आगमनाने वाहतूक पोलिसांचे कामही खूप सोपे झाले आहे. ही नंबर प्लेट लागू झाल्यानंतर, वाहतूक नियमांचे उल्लंघन करणाऱ्या वाहनांना पकडणे आणि त्यांच्याविरुद्ध चलन काढणे खूप सोपे झाले आहे. एचएसआरपी सह, नोंदणी प्लेट्समध्ये एकसंध फॉन्ट आणि शैली असतात, ज्यामुळे ते अधिक चांगल्या प्रकारे समजतात.

ज्या वाहनांची नोंदणी 1 एप्रिल 2019 नंतर झाली आहे. अशा वाहन मालकांना आता टेन्शन घेण्याची अजिबात गरज नाही. कारण त्यांच्या गाड्यांना आधीच एचएसआरपी नंबर प्लेट असेल. यामुळे तुम्हाला एचएसआरपी नंबर प्लेट लावण्याची गरजच नाही.