Kia ची SUV निघाली टँकसारखी कडक, मिळाले 5 स्टार सेफ्टी रेटिंग!

हुंदईच्या नंतर भारतीय मार्केटमध्ये Kia मोटर्सने आता आपला चांगलाच दबदबा निर्माण केला आहे. अलीकडे किआ मोटर्सने Kia Syros ही एसयुव्ही लाँच केली होती. या एसयुव्हीच्या डिझाइनवरून काही जणांनी तिची तुलना गरिबांची डिफेन्डर म्हणून केली. पण आता या Kia Syros ने सेफ्टीमध्ये ५ स्टार रेटिंग मिळवून टिकाकारांचे तोंड बंद केले आहे.

किआ मोटर्सने अलीकडेच Kia Syros लाँच केली होती. दमदार फिचर्स आणि हटके डिझाइनमुळे या एसयुव्हीची चांगलीच चर्चा झाली. आता या एसयुव्हीने सेफ्टीमध्ये ५ स्टार रेटिंग मिळवले आहे. ऑफरिंग किआ सिरोसने भारत न्यू कार असेसमेंट प्रोग्राम (बीएनसीएपी) मध्ये अडल्ट ऑक्यूपेंट प्रोटेक्शन (एओपी) आणि चाइल्ड ऑक्यूपेंट प्रोटेक्शन (सीओपी) मध्ये 5-स्टार रेटिंग मिळाले आहे. किआसाठी ही मोठी गोष्ट आहे.

16 पेक्षा जास्त ऑटोनोमस सेफ्टी तंत्रज्ञानासह ही एसयुव्ही सज्ज आहे. कारमध्ये हायटेक ड्राइव्हर असिस्टेंस सिस्टम (ADAS लेव्हल 2) आणि एक मजबूत 20 स्टॅण्डर्ड एक्टिव्ह आमि डिएक्टिव्ह सेफ्टी पॅक दिला आहे. ज्यामुळे प्रवाशांची सुरक्षा आणखी उत्तम झाली आहे.

एसयुव्ही सेगमेंटमध्ये डिझाइन केलेल्या Kia Syros ने सेफ्टी रेटिंगमध्ये नवीन रेकॉर्ड केला आहे.

तसंच, कियाने किया कनेक्ट डायग्नोसिस (केसीडी) सादर केले आहे, जे वापरकर्त्यांना दूरूनच त्यांच्या वेईकलच्या स्थितीचे मूल्यांकन करण्याची सुविधा देते आणि किया अडवान्स्ड टोटल केअर (केएटीसी) सक्रियपणे ग्राहकांना टायर रिप्लेसमेंट्स व मेन्टेनन्स अशा आवश्यक सर्विसेसबाबत माहिती देते, ज्यामधून विनासायास मालकीहक्काची खात्री मिळते.

इंजिन व व्हेरिएण्ट्स: किया सिरॉस दोन इंजिन पर्यायांमध्ये उपलब्ध आहे. स्मार्टस्ट्रीम १.०-लिटर टूर्बो पेट्रोल इंजिन (८८.३ केडब्ल्यू/१२० पीएस, १७२ एनएम) आणि १.५-लिटर सीआरडीआय डिझेल इंजिन (८५ केडब्ल्यू/११६ पीएस, २५० एनएम). दोन्ही इंजिन्स मॅन्युअल आणि ऑटोमॅटिक ट्रान्समिशन पर्यायांसोबत कियाचे ६ एमटी कन्फिग्युरेशन असलेल्या पहिल्याच स्मार्टस्ट्रीम जी१.० टर्बो जीडीआयसह ऑफर करण्यात आले आहेत.

इंटीरिअर्स: २,५५० मिमी व्हीलबेससह किया सिरॉस प्रवाशांच्या आरामदायीपणाला प्राधान्य देते. ७६.२ सेमी (३० इंच) त्रिनिटी पॅनोरॅमिक डिस्प्ले पॅनेल कनेक्टेड कार नेव्हिगेशन कॉकपीटप्रमाणे सेवा देते, ज्यामधून विनासायास डिजिटल इंटरफेस मिळते.

सिरॉस एचटीके, एचटीकेक+, एचटीएक्स, एचटीएक्स+ या चार ट्रिम्समध्ये, तसेच ग्लेशियर व्हाइट पर्ल, स्पार्कलिंग सिल्व्हर, प्यूटर ऑलिव्ह, इंटेन्स रेड, फ्रॉस्ट ब्ल्यू, अरोरा ब्लॅक पर्ल, इम्पेरिअल ब्ल्यू आणि ग्रॅव्हिटी ग्रे या आठ रंगांच्या पर्यायांमध्ये उपलब्ध आहे.