Actress Love Life: 4 विवाहित अभिनेत्यांच्या प्रेमात पडली अभिनेत्री, धर्मही बदलला पण शेवटी एकटीच राहिली

90 च्या दशकातली ती सुंदर, दमदार अभिनेत्री जी एका स्मित हास्याने संपूर्ण पडदा उजळवायची. जितकी ती तिच्या कामामुळे चर्चेत राहिली तेवढीच ती तिच्या वैयक्तिक आयुष्यामुळेही वादात राहिली. 4 विवाहित पुरुषांची तिचं नाव जोडलं गेलं.

सलमान खानसोबतच्या ‘बागी’ या पहिल्याच चित्रपटाने तिला स्टारडम मिळवून दिलं. आपण बोलत असलेली ही अभिनेत्री दुसरी तिसरी कोणी नसून नगमा आहे. 25 डिसेंबर 1974 रोजी मुंबईत जन्मलेली नगमा खरं नाव नंदिता अरविंद मोरारजी ही मिश्र संस्कृतीत वाढलेली मुलगी. तिचे वडील हिंदू व्यापारी अरविंद मोरारजी, तर आई शमा काझी मुस्लिम पार्श्वभूमीची.

नगमाचं बालपण वेगवेगळ्या संस्कृतींच्या संगमात गेलं. कधी मंदिरातल्या घंटांचा नाद, तर कधी मशीदीतील अजान. मात्र मनानं ती नेहमीच देवाच्या शोधात होती. शेवटी 2007 मध्ये तिने ख्रिश्चन धर्म स्वीकारला.

नगमाच्या आयुष्यातील सर्वात चर्चित पान म्हणजे तिचं सौरव गांगुलीसोबतचं नातं. 2001 मध्ये त्यांच्या अफेअरच्या चर्चा देशभर गाजल्या. इतकंच नव्हे तर आंध्र प्रदेशात दोघांनी गुपचूप लग्न केल्याच्या बातम्याही आल्या. पण हे नातं फार काळ टिकू शकलं नाही.

गांगुलीपासून दूर गेल्यानंतर नगमाने स्वतःला पुन्हा सावरलं. तिने आपलं लक्ष पूर्णपणे करिअरकडे वळवलं. तमिळ, तेलुगू, कन्नड आणि मलयाळम चित्रपटांत तिने आपली वेगळी छाप पाडली. नंतर भोजपुरी सिनेमात ती सुपरस्टार बनली. रवी किशनसोबतची तिची जोडी हिट ठरली आणि त्याचवेळी दोघांच्या नात्याचीही चर्चा रंगली. विवाहित असूनही, नगमाशी असलेल्या त्याच्या प्रेमसंबंधाबद्दल उघडपणे चर्चा करण्यास त्याला कोणतीही संकोच वाटला नाही.

दक्षिणेत काम करताना नगमा अभिनेता आणि राजकारणी शरत कुमारच्या प्रेमात पडली. मात्र शरत आधीच विवाहित होते. त्यांच्या नात्याने उद्योगात खळबळ उडवली. वाद वाढल्यावर नगमाला दक्षिण चित्रपटांतून जवळपास बाहेर काढण्यात आलं.

नगमाने पुन्हा स्वतःला पूर्णपणे तिच्या कामात समर्पित केले. भोजपुरी चित्रपट उद्योगात काम करत असताना, नगमाचे नाव इंडस्ट्रीतील आणखी एका लोकप्रिय अभिनेत्याशी, मनोज तिवारीशी जोडले गेले. मनोजला रवी किशनचा कट्टर प्रतिस्पर्धी मानले जात होते, आणि म्हणूनच, नगमाचे मनोज तिवारीशी असलेले प्रेम रवी किशनवर सूड घेण्याचा प्रयत्न म्हणून पाहिले जात होते. नंतर, एका मुलाखतीत, नगमाने मनोजसोबतच्या तिच्या प्रेमाच्या सर्व अफवा फेटाळून लावल्या.