International Yoga Day 2024 : बी टाऊनच्या ज्येष्ठ मंडळींचा योगाभ्यास; दिल्या शुभेच्छा, यंगस्टर्स राहिले कुठे?

आज सर्वत्र योगा दिवस साजरा केला जात आहे. अनेक कलाकार मंडळी देखील या दिवशी बाहेर पडून योगाचं महत्त्व समजावून सांगताना दिसले.

प्रामुख्यानं बॉलिवूडची ज्येष्ठ कलाकार मंडळी योग दिवसाच्या सकाळी योगा करताना दिसले. त्यांचे फोटो समोर आलेत.

अभिनेते जॅकी श्रॉफ यांनीही सामुहिक योगामध्ये सहभाग घेतला. योगाचे अनेक प्रकार त्यांनी केले.

"साँस ले लंबा, हर्ट के लफडे हो जायेंगे", असं म्हणत जॅकी श्रॉफनं सगळ्यांना योगा करण्याचं आवाहन केलं.

अभिनेत्री आणि भाजपच्या खासदार हेमा मालिनी देखील योगा करताना दिसल्या. वयाच्या 75व्या वर्षीही हेमा मालिनी सहज योगा करताना दिसल्या.

अभिनेते अनुपम खेर यांनी देखील त्यांचे योगाचे व्हिडीओ शेअर करत सर्वांना शुभेच्छा दिल्यात. या व्हिडीओमध्ये ते वेगवेगळे योगाचे प्रकार करताना दिसत आहेत.

बॉलिवूडची ज्येष्ठ मंडळी योगा दिवसानिमित्त योगा करताना दिसली पण तरुण कलाकार कुठे आहेत असा प्रश्न अनेक प्रेक्षकांना पडला आहे.