ताडोबाचा राजा परतला! धुमाकूळ घालताना दिसला छोटा मटका, वर्चस्वाच्या लढाईनंतर झाला होता गायब

<a href="https://news18marathi.com/maharashtra/nagpur/">नागपुरातील</a> ताडोबा व्याघ्र प्रकल्पात वर्चस्वावरून वाघांच्या लढाया होत असतात. 3-4 महिन्यांपूर्वी अशाच एका लढाईत ताडोबाचा राजा म्हणून ओळखला जाणारा वाघ छोटा मटका गंभीर जखमी झाला होता.

जखमी झालेला ताडोबाचा राजा गेल्या 4 महिन्यांपासून गायब होता. मात्र, आता छोटा मटका पुन्हा धुमाकूळ घालताना पर्यटकांना दिसला आहे.

विशेष म्हणजे गेल्या 4 महिन्यांपासून गायब असणारा ताडोबाचा राजा तंदुरुस्त होऊन परतला आहे. या वाघाला पाहण्यासाठी अनेक पर्यटक जंगल सफारी करत ताडोबात येतात.

छोटा मटका सोबत भानुशाखिंडी, झरनी आणि बबली या वाघिणी देखील होत्या. त्यांनी एकूण 9 शावकांना जन्म दिला आहे. त्यामुळे ताडोबातील वाघांच्या संख्येत वाढ होणार आहे.

लढाईनंतर छोटा मटका दिसला नाही. काही महिन्यांनंतर तो पूर्णपणे तंदुरुस्त झाला आहे, असे वन्यजीव अभ्यासक पियुष आक्रे यांनी सांगितले.

आता वाघ जंगलात आपले साम्राज्य प्रस्थापित करण्यासाठी पद चिन्हांकित करताना दिसला. जंगल सफारी दरम्यान पर्यटकांनी हे विलक्षण दृश्य पाहिले.

दरम्यान, छोटा मटका पुन्हा एकदा ताडोबात परतल्याने पर्यटकांनाही आनंद झाला आहे. त्याला पाहण्यासाठी ताडोबातील गर्दी वाढत आहे.