नवले पुलावर मृत्यूचा 'कंटेनर', 2 कंटेरनमध्ये सापडलेल्या कारचे भयावह PHOTOS, प्रवाशांचा कोळसा

पुणे शहरात मृत्यूचा पूल म्हणून ओळखला जाणाऱ्या नवले पुलावर भीषण अपघात झाला आहे. एका भरधाव कंटेनर जवळपास २० ते २५ वाहनांना धडक दिली. या अपघातात ७ ते ८ जणांचा मृत्यू झाल्याची माहिती समोर आली आहे. साताऱ्याहून मुंबईच्या दिशेनं जाणाऱ्या मार्गावर हा अपघात घडला आहे.

पुण्यातील नवले पुलावर एक भीषण अपघात घडला आहे. भरधाव ट्रकने अनेक वाहनांना धडक दिली. जवळपास २ किलोमिटर हे कंटेनर समोर येईल त्या वाहनांना धडक देत पुढे जात होता.

भरधाव कंटेनरचं ब्रेक फेल झालं आणि समोर येईल त्या वाहनांना उडवत पुढे गेला. फोटोमध्ये स्पष्ट दिसतंय की, महामार्गावर अनेक वाहनं रस्त्यावर उलटलेली पाहण्यास मिळत आहे.

नवले पुलावर या कंटेनरने जवळपास २० ते २५ गाड्यांना धडक दिली. एक मारुती सुझुकी डिझायर कारला कंटेनरने जोराची धडक दिली. या अपघातात कारचा चक्काचूर झाला आहे.

नवले पुलावर हा अपघात इतका भीषण होता की, कंटेनरने समोर येईल त्या वाहनाला धडक दिली. यामध्ये एक मिनी व्हॅनचा चुराडा झाला आहे.

भरधाव कंटेनरने वाहनांना धडक देत पुढे गेला. त्यानंतर एका कंटेनरला जाऊन धडकला. यावेळी दोन्ही कंटेरनमध्ये एक कार सापडली. या कारमध्ये ३ ते ५ जण होते अशी माहिती समोर आली आहे.

कंटेनरने जेव्हा कारला धडक देऊन समोर उभ्या असलेल्या कंटेनरवर आदळला तेव्हा मोठा स्फोट झाला. स्फोटानंतर तिन्ही वाहनांना आग लागली

जेव्हा त्या कंटेनरने कारला धडक दिली तेव्ही ती कार समोरील ट्रकच्या खाली गेली होती. यावेळी ट्रकमधील लोकांना बाहेर पडण्यास वेळच मिळाला नाही. त्यांचा जागेवरच कोळसा झाला.