Weather Alert: आज पुन्हा मुसळधार की उघडीप? कोल्हापूर ते पुणे आजचा हवामान अंदाज

राज्यात पाऊस ओसरला असून कमाल तापमानात वाढ होऊन तापमान तिशीपार गेले आहे. आज 15 जुलै रोजी पश्चिम महाराष्ट्रातील सांगली, सातारा आणि सोलापूर जिल्ह्यात गडगडाटी पावसाची शक्यता भारतीय हवामान विभागाने वर्तवली आहे.

सातारा जिल्ह्यात मागील 24 तासात मध्यम पाऊस कोसळला. सातारा परिसरामध्ये 6 मिलिमीटर पावसाची नोंद झाली. पुढील 24 तासात साताऱ्यातील कमाल तापमान 29 अंश सेल्सिअस राहील. सातारा जिल्ह्यामध्ये ढगाळ आकाशासह गडगडाटी पावसाची शक्यता हवामान विभागाने वर्तवली आहे.

पुण्याच्या शिवाजीनगर परिसरात मागील 24 तासात 0.5 मिलिमीटर पावसाची नोंद झाली. यावेळी कमाल तापमान 28.4 अंश सेल्सिअस राहिले. पुढील 24 तासात पुणे घाटमाथ्यावर हलका ते मध्यम पाऊस राहील. उर्वरित जिल्ह्यात ढगाळ आकाशासह हलक्या पावसाची शक्यता हवामान विभागाने वर्तवली आहे.

कोल्हापूर परिसरात 2 मिलीमीटर पाऊस नोंदविण्यात आला. यावेळी कमाल तापमानात वाढ नोंदविण्यात आली. कमाल तापमान 27.4 अंश सेल्सिअस राहिले. पुढील 24 तासात कमाल तापमान 29 अंशावर स्थिर राहिल.

सोलापूर जिल्हात पावसाची उघडीप कायम असून जिल्ह्यातील कमाल तापमान वाढ होत आहे. मागील 24 तासात 33.4 अंश तापमानाची नोंद सोलापूर मध्ये झाली. पुढील 24 तासात कमाल तापमानाचा पारा 34 अंशावर राहणार असून ढगाळ आकाशासह एक दोन वेळा गडगडाटी पावसाची शक्यता आहे.

सांगली जिल्ह्यात गेल्या 24 तासांत 1 मिलिमीटर पावसाची नोंद झाली. पुढील 24 तासात सांगली जिल्ह्यात ढगाळ आकाशासह हलक्या पावसाचा अंदाज आहे. यावेळी जिल्ह्यातील कमाल तापमान 31 तर किमान तापमान 21 अंश सेल्सिअस इतके राहील.

पश्चिम महाराष्ट्रातील सर्वच जिल्ह्यांत आकाश साधारणपणे ढगाळ राहील. सातारा, सांगली आणि कोल्हापूर परिसरात गडगडाटी पाऊस राहील. तसेच जिल्हाअंतर्गत परिसरात हलका पावसाची शक्यता हवामान विभागाकडून वर्तवण्यात आली आहे.