TRENDING:
पुणे महानगरपालिकेत प्रशांत वाघमारे हे गेल्या 22 वर्षांपासून शहर अभियंता पदावर कार्यरत होते. प्रशासनावर मजबूत पकड असलेले अभियंता म्हणून त्यांची ओळख होती. त्यांच्या कार्यकाळात अनेक महत्त्वाची विकासकामे झाली. नदी काठ सुधार प्रकल्प, जायका प्रकल्प, शहराचा विकास आराखडा, बांधकाम नियमावली यांसारखे निर्णय त्यांच्या काळात घेण्यात आले. त्यांच्या सेवानिवृत्तीनिमित्त पुढील वाटचालीस शुभेच्छा देण्यासाठी त्यांच्या कार्यालयात अधिकारी, कर्मचारी, राजकीय पदाधिकारी, बांधकाम व्यावसायिक आणि नागरिकांनी मोठी गर्दी केली होती.
advertisement
शाहीरी पोवाडा ते शिवगीते, जालन्यात घडतायत लोककलावंत, इथं मोफत प्रशिक्षण, Video
शहर अभियंता म्हणून अनिरुद्ध पावसकर यांच्याकडे जबाबदारी
पुणे महानगरपालिकेचे पुढील शहर अभियंता म्हणून अनिरुद्ध पावसकर हे कार्यभार स्वीकारणार आहेत. याबाबतची प्रक्रिया डिसेंबर महिन्यातच पार पडली होती. विभागीय पदोन्नती समितीच्या बैठकीत अनिरुद्ध पावसकर यांच्या नावाला शहर अभियंता पदासाठी मान्यता देण्यात आली. त्यानुसार 20 जानेवारी रोजी त्यांना मुख्य अभियंता पदावरून शहर अभियंता पदावर पदोन्नतीचे अधिकृत पत्र देण्यात आले होते. प्रशांत वाघमारे यांच्या सेवानिवृत्तीनंतर पावसकर यांनी तात्काळ कार्यभार स्वीकारणे अपेक्षित होते. मात्र शनिवार आणि रविवार या सुट्ट्यांमुळे ते सोमवारी शहर अभियंता पदाचा कार्यभार स्वीकारणार आहेत.