शाही मठ्ठ्याची चवच न्यारी, जालन्यात पिण्यासाठी लागते रांग, का आहे खास?

जालना: उन्हाळ्याची चाहूल लागताच आपल्या सगळ्यांचीच पावले थंड पेयांच्या दुकानाकडे वळू लागतात. लस्सी, मठ्ठा, उसाचा ताजा रस किंवा कोल्ड्रिंक्स प्रत्येक जण आपापल्या आवडी निवडीप्रमाणे थंड पेय घेतात. त्यातही अनेक जणांचा कल आरोग्यदायी मठ्ठा घेण्याकडे असतो. जालना शहरांमध्ये रेणुका शाही मठ्ठा हा अतिशय प्रसिद्ध आहे. केवळ 10 रुपयांमध्ये मन तृप्त करणारा मठ्ठा मिळतो. दिनेश तेटवाल दिवसभरात तब्बल 1000 ग्लास मठ्ठाची विक्री करतात. यामधून दिवसाला खर्च वजा जाता एक ते दीड हजारांची कमाई होत असल्याचं त्यांनी लोकल18 सोबत बोलताना सांगितलं.