Janmashtami 2025: गोविंदा-गोपाळा..! जन्माष्टमीसाठी आज बाळकृष्णाचा पाळणा या दिशेला लावणं शुभ

श्रीकृष्ण जन्माष्टमीच्या शुभ प्रसंगी आज आपण ईशान्य दिशेला बाळकृष्णाची मूर्ती स्थापन करून त्याच दिशेला पाळणा बांधावा. वास्तुनुसार, ईशान्य दिशा ही देवाचे स्थान मानली जाते. बाळकृष्णाची मूर्ती किंवा फोटो आणि पाळणा या दिशेला ठेवल्यानं घरात सकारात्मकता येते. पाळणा अशा प्रकारे बांधावा की, त्यात ठेवलेल्या बाळकृष्णाचा चेहरा पूर्वेकडे किंवा उत्तरेकडे असेल. लाकडी पाळणा खूप शुभ मानला जातो. परंतु जर लाकडी पाळणा नसेल तर तुम्ही लोखंडी किंवा स्टीलचा देखील वापरू शकता. पाळणा थोडा उंचावर बांधा. बाळकृष्णाचा पाळणा आकर्षक फुलांनी सजवावा. जन्माष्टमीनिमित्त दिवसातून 4 वेळा नैवेद्य अर्पण करा. सामूहिकरित्या पाळणा म्हणणे पूजा करणे शुभ मानले जाते.