मुंबई : ग्रह-नक्षत्रांची एक खास स्थिती तयार झाल्यावर ५ दिवसांचे पंचक लागते. हे ५ दिवस अत्यंत अशुभ मानले जातात, म्हणूनच या काळात कोणतेही शुभ कार्य केले जात नाही. पंचक दर महिन्याला लागते. परंतु यावर्षी ऑक्टोबर महिन्यात असा योग जुळून येत आहे की यात २ वेळा पंचक लागत आहेत. ऑक्टोबर महिन्याच्या सुरुवातीलाही पंचक होते आणि आता महिन्याचा शेवटही पंचकाने होत आहे. ऑक्टोबर महिन्यातच दसरा-दिवाळी यांसारखे मोठे सणही आले. तसं पाहिल्यास २ वेळा पंचक लागणं शुभ मानलं जाऊ शकत नाही.