Rain Update: म्हाताऱ्या पावसाची कसर आसळका भरून काढणार? 9 ऑगस्टपर्यंत अशी असणार स्थिती

मुंबई : संपूर्ण पावसाळ्यात पडणाऱ्या पावसाला ग्रामीण भागांमध्ये वेगवेगळ्या नावांनी ओळखले जाते. तरणा पाऊस, म्हातारा पाऊस असे म्हटले जाते. सूर्याचं नक्षत्र-वाहन यावरून पावसाच्या जोराचा अंदाज लावला जातो. ऑगस्टनंतर पाऊस ओसरतो, असा आत्तापर्यंतचा अंदाज आहे. सध्या आसळकाचा पाऊस सुरू आहे, असे सांगितले जाते, हा पारंपरिक मराठी बोलीभाषेतील एक शब्द आहे, जो पावसाच्या एका विशिष्ट टप्प्यासाठी वापरला जातो. ज्योतिषशास्त्रानुसार आणि शेतीपरंपरेनुसार, जेव्हा सूर्य आश्लेषा नक्षत्रात प्रवेश करतो, तेव्हा पडणाऱ्या पावसाला आसळकाचा पाऊस असे म्हणतात.