Putrada Ekadashi 2025: पुत्रदा एकादशीला केलेले हे उपाय वाया जात नाहीत; कुटुंबाच्या प्रगतीची पायाभरणी

दशमीच्या रात्री सात्विक भोजन करून ब्रह्मचर्याचे पालन करावे. एकादशीच्या दिवशी सकाळी लवकर उठून स्नान करावे. स्वच्छ वस्त्र परिधान करून हातात पाणी, फूल आणि अक्षता घेऊन 'मी आज पुत्रदा एकादशीचे व्रत करत आहे, तरी माझे व्रत निर्विघ्नपणे पूर्ण होवो आणि मला संतती सुख प्राप्त होवो' असा संकल्प करावा.

संतती प्राप्तीसाठी काही विशेष उपाय केले जातात, पुत्रदा एकादशीच्या दिवशी गरजूंना किंवा ब्राह्मणांना अन्न, वस्त्र किंवा पैसे दान करणे खूप शुभ मानले जाते. गायीला हिरवा चारा किंवा गूळ-पोळी खाऊ घालणे लाभदायक मानले जाते. या दिवशी पिंपळाच्या झाडाला पाणी अर्पण करून त्याची पूजा केल्यास सकारात्मक परिणाम दिसून येतात. संध्याकाळी तुळशीच्या रोपाला दिवा लावून त्याची पूजा केल्यास भगवान विष्णू आणि लक्ष्मी प्रसन्न होतात. या विधी आणि उपायांनी पुत्रदा एकादशीचे व्रत पूर्ण केल्यास भगवान विष्णूंच्या कृपेने संततीची इच्छा पूर्ण होते, कुटुंबात सुख-शांती येते आणि सर्व कष्ट दूर होतात, अशी धार्मिक श्रद्धा आहे.