Trending:

HSRP Numberplate : कोणत्या गाड्यांना सवलत, कोणत्या गाड्यांसाठी बंधनकारक; स्टेप बाय स्टेप गाईड

Published by:Devika Shinde

Last Updated:August 01, 2025 8:29 PM IST

HSRP म्हणजे काय, कोणत्या वाहनांसाठी आवश्यक आहे, ती कशी मिळवायची आणि न लावल्यास काय दंड होईल? चला, याची सविस्तर माहिती जाणून घेऊया.

इम्पॅक्ट शॉटतुमचा गेटवे लेटेस्ट न्यूज

मुंबई : सध्या महाराष्ट्रात HSRP (High Security Registration Plate) नंबर प्लेट लावणे सर्व वाहनांसाठी बंधनकारक करण्यात आलं आहे. त्यामुळे अनेक वाहनधारकांमध्ये याबद्दल प्रश्न निर्माण झाले आहेत. HSRP म्हणजे काय, कोणत्या वाहनांसाठी आवश्यक आहे, ती कशी मिळवायची आणि न लावल्यास काय दंड होईल? चला, याची सविस्तर माहिती जाणून घेऊया.

HSRP म्हणजे काय?

HSRP म्हणजे High Security Registration Plate. ही खास प्रकारची नंबर प्लेट असून, यात क्रोमियम-आधारित होलोग्राम, लेसर कोड आणि स्थायिक क्रमांक असतो. ही प्लेट बनावट करणे अवघड असल्याने वाहन चोरी किंवा फसवणूक टाळण्यासाठी उपयुक्त ठरते.

कोणत्या वाहनांसाठी गरजेचं आहे?

1 एप्रिल 2019 पूर्वी नोंदणीकृत सर्व वाहनांना (दोन चाकी, चार चाकी, कमर्शियल) HSRP नंबर प्लेट लावणे बंधनकारक आहे.

1 एप्रिल 2019 नंतर विक्री झालेल्या वाहनांमध्ये आधीच HSRP बसवलेले असते, त्यामुळे नव्याने घेण्याची गरज नाही.

HSRP का आवश्यक आहे?

चोरी झालेली वाहनं शोधणं यामुळे सोपं होईल. बनावट नंबर प्लेट रोखणे ही यामुळे शक्य, एवढच नाही तर वाहतूक पोलिसांना वाहनाची खरी ओळख पटवणे सोपं जाईल आणि डिजिटल रेकॉर्ड ठेवणे सुलभ होईल.

HSRP नंबर प्लेट कशी मिळवायची?

ऑफलाइन: अधिकृत वाहन डीलर किंवा RTO ऑफिसमध्ये जाऊन आवश्यक कागदपत्रांसह अर्ज भरा, शुल्क भरा आणि दिलेल्या तारखेला प्लेट बसवा.

ऑनलाइन: अधिकृत वेबसाईटवरूनही अर्ज करता येतो.

HSRP नंबर प्लेटचा खर्च

दोन चाकी वाहन – ₹300 ते ₹500

चार चाकी वाहन – ₹600 ते ₹1,200

कमर्शियल वाहन – ₹1,500 ते ₹2,000

नियमांचे पालन न केल्यास काय होईल?

जर तुम्ही 15 ऑगस्ट 2025 पर्यंत HSRP बसवले नाही, तर वाहतूक पोलिसांकडून ₹5,000 ते ₹10,000 पर्यंत दंड होऊ शकतो.

थोडक्यात: वाहन चोरी रोखणे आणि सुरक्षेसाठी HSRP नंबर प्लेट आवश्यक आहे. वेळेत ती बसवणे तुमच्यासाठी आणि वाहनासाठी सुरक्षित आहे.

Location :

Mumbai,Maharashtra