Trending:

HSRP नंबर प्लेटसाठी मुदत वाढ, पण भरावं लागणार अतिरिक्त शुल्क, काय आहे कारण?

Published by:Kranti Kanetkar

Last Updated:Aug 15, 2025 1:27 PM IST

HSRP नंबर प्लेटसाठी मुदतवाढ देण्यात आली आहे. आता नोव्हेंबरपर्यंत नवीन नंबरप्लेट बसवणं बंधनकारक आहे, नाहीतर 10 हजार रुपयांचा दंड होऊ शकतो. 1 एप्रिल 2019 नंतर नोंदणीकृत वाहनांना अर्ज करण्याची गरज नाही.

इम्पॅक्ट शॉटतुमचा गेटवे लेटेस्ट न्यूज

HSRP नंबर प्लेटसाठी मुदतवाढ करण्यात आली आहे. सलग तीनवेळ मुदतवाढ देऊनही अनेक गाड्यांना हाय सिक्युरिटी नंबरप्लेट बसवणं बाकी होतं. त्यामुळे पुन्हा एकदा गुरुवारी रात्री मुदतवाढ देण्याचा निर्णय सरकारने घेतला आहे. सलग चौथ्यांदा ही मुदतवाढ दिली आहे. आता नोव्हेंबरपर्यंत तुम्ही नवीन नंबरप्लेट बसवणं बंधनकारक आहे, नाहीतर 10 हजार रुपयांचा दंड बसू शकतो.

1 एप्रिल 2019 किंवा त्यानंतर नोंदणीकृत वाहने ज्यांना आधीच HSRP प्लेट्स बसवलेल्या आहेत, त्यांना HSRP बसवण्यासाठी पुन्हा अर्ज करण्याची आवश्यकता नाही असं सांगण्यात आलं आहे. मात्र त्या आधी ज्यांनी वाहानं घेतली आहेत त्यांना कंपल्सरी नवीन नंबरप्लेट घ्यावी लागणार आहे. त्यासाठी ऑनलाईन अर्ज करावा लागणार आहे.

वाहनधारकांनी HSRP फिटमेंट सेंटरला भेट दिल्यास त्यांच्याकडून फिटमेंटसाठी कोणतेही अतिरिक्त शुल्क आकारले जाणार नाही. मात्र, जर त्यांनी HSRP फिटमेंट आपल्या घरी बसविण्याचा पर्याय निवडला, तर त्यांना संबंधित विक्रेत्यास अतिरिक्त शुल्क द्यावे लागेल.

जर एकाच ठिकाणी (सोसायटी/पार्किंग लॉट/ऑफिस, इ.) २५ किंवा त्याहून अधिक वाहन मालकांनी बल्क बुकिंग केल्यास, संबंधित वाहन मालकांना HSRP लावण्यासाठी कोणतेही अतिरिक्त होम फिटमेंट शुल्क आकारले जाणार नाही.

महाराष्ट्रात कोणत्याही RTO कार्यालयात नोंदणी झालेल्या वाहनास HSRP बसविणाऱ्या एजन्सीकडून राज्यातील इतर शहरात HSRP फिटमेन्ट सेंटरमध्ये HSRP बसविता येईल. तरी संबंधित वाहन मालकांनी त्यांच्या निवास्थानाच्या अथवा कामाच्या ठिकाणी नजीकचे फिटमेन्ट सेंटर निवडावे.

एकाच राज्यातील कुठल्याही RTO किंवा अधिकृत फिटमेंट सेंटरमध्ये HSRP बसवू शकता. त्यामुळे वाहन ज्या शहरात नोंदणीकृत किंवा रजिस्टर आहे, तिथेच त्याची नंबरप्लेट बसवणे बंधनकारक नाही. तुम्ही तुमच्या शहरात देखील ते बसवू शकता.

view comments