पांढरा की पिवळा? दाट धुक्यातून प्रवास करताना गाडीवर कोणता हेडलाईट असावा?

धुक्यातून प्रवास करताना कारचे हेडलाइट उपयुक्त ठरतात. त्यामुळे अपघात होण्याची शक्यता कमी होते; पण धुक्यातून प्रवास करताना कारचे हेडलाइट पांढरे असावेत की पिवळे असा प्रश्न काही जणांच्या मनात निर्माण होतो. या प्रश्नाचं नेमकं उत्तर जाणून घेऊया.

सध्या उत्तर भारतात थंडीची लाट असून धुक्याचं साम्राज्य पसरलं आहे. दाट धुक्यातून गाडी चालवणं अवघड जातं. धुक्यातून गाडी चालवताना अपघात टाळण्यासाठी योग्य रंगाचा हेडलाइट गरजेचा असतो. गाडीला पांढऱ्या रंगाचे लाइट असतील तर धुक्यातून प्रवास करताना जास्त काळजी घ्यावी लागते. अनेक कार्सना पिवळ्या रंगाचे लाइट असतात; पण काही कार्सना पांढऱ्या रंगाचे लाइट असतात. पांढऱ्या हेडलाइट्सची वेव्हलेंग्थ कमी असते. त्यामुळे दृश्यमानता कमी होते. त्यामुळे कारला पांढऱ्या रंगाचे लाइट असतील तर धुक्यातून प्रवास करताना काळजी घ्यावी लागते.

दुसरीकडे, पिवळ्या रंगाचे फॉग लाइट्स दाट धुक्यातून प्रवास करताना ड्रायव्हरला रस्त्यावरून सावधगिरीने ड्रायव्हिंग करताना सहायक ठरतात. त्यामुळे ड्रायव्हर सुरक्षितपणे गाडी चालवू शकतात. दाट धुक्यात पिवळ्या रंगाचा प्रकाश चांगला असतो. कारण तो रेटिनावर थेट पडतो आणि लगेच दिसतो. त्यामुळे प्रवास करताना रस्त्यावरून लक्ष विचलित होत नाही. तसंच त्याची दृश्यमानता जास्त असते. त्यामुळे दाट धुक्यातून प्रवास करताना गाडीला पिवळ्या रंगाचा लाइट असणं सुरक्षेच्या दृष्टीनं महत्त्वाचं आहे. पांढऱ्या रंगाच्या लाइटच्या तुलनेत पिवळ्या रंगाचे लाइट धुक्यातून प्रवास करताना जोखीम कमी करतात.