चीनमध्ये फ्री शिक्षणाची संधी! मिळेल 34 हजारांचं स्टायपेंड; या स्कॉलशिपसाठी करा अप्लाय

नवी दिल्ली : उच्च शिक्षणाच्या बाबतीत चीन हा अमेरिका युरोपमधल्या अनेक देशांशी स्पर्धा करतो. क्यूएस वर्ल्ड युनिवर्सिटी रँकिंग 2024मध्ये पहिल्या 10मध्ये चीनच्या चार विद्यापीठांचा समावेश आहे. त्यामुळेच भारतातल्यासुद्धा अनेक विद्यार्थ्यांना चीनमध्ये शिक्षण घेण्याची इच्छा असते. जर तुम्हालाही चीनमध्ये जाऊन उच्च शिक्षण घेण्याची इच्छा असेल तर आम्ही तुमच्यासाठी एका उत्तम शिष्यवृत्तीची माहिती सांगणार आहोत. ही शिष्यवृत्ती जर मिळाली तर शिक्षणातलं शुल्क माफ होईल. त्याबरोबरच दरमहा 3000 युआन इतकी आर्थिक मदत आणि राहण्यासाठी स्वस्तात घर देखील मिळेल. द ग्रेट वॉल प्रोग्रॅम असं या शिष्यवृत्तीचं नाव आहे. युनेस्को आणि चीन सरकार मिळून ही शिष्यवृत्ती देत आहेत.