जिल्हा हादरला! पोरीसोबत बोलू न दिल्याने दगडाने ठेचलं, भयावह अवस्थेत आढळला मृतदेह

फरीदखाँ पठाण असं हत्या झालेल्या १८ वर्षीय तरुणाचं नाव आहे. तो हिंगोली जिल्ह्यातील बासंबा पोलीस ठाण्याच्या हद्दीतील रहिवासी आहे. तो शुक्रवारपासून बेपत्ता होता. फरीद बेपत्ता झाल्यानंतर त्याच्या आईनं मुलगा बेपत्ता असल्याची तक्रार पोलीस ठाण्यात दिली होती. दरम्यान, शनिवारी दुपारी बासंबा शिवारात एक मृतदेह स्थानिकांना आढळून आला. याची माहिती मिळताच पोलीस पथक घटना स्थळी रवाना झालं.

यावेळी पोलिसांनी फरीदचा मृतदेह आढळून आला. त्याचं डोकं दगडाने ठेचलं होतं. मृतदेहाच्या बाजुला रक्ताने माखलेला मोठा दगड पडला होता. शिवाय तिथे एक लाकडी दांडा देखील होता. यावेळी फरीदची हत्याच झाल्याचं आधीपासून निष्पन्न झालं. पण त्याचा चेहरा दगडाने ठेचल्याने लवकर ओळख पटत नव्हती. पण शुक्रवारी फरीदच्या आईनं मुलगा बेपत्ता असल्याची तक्रार दाखल केली होती. त्यामुळे पोलिसांनी फरीदच्या आईला घटनास्थळी आणलं, यावेळी तो मृतदेह आपल्याच मुलाचा असल्याचं फरीदच्या आईनं सांगितलं.