सोलापूरमध्ये 'इंजिनिअर' तरुणाचा मोठा कांड; बापालाही केली अटक, गाड्या चोरण्याची पद्धत्त ऐकून पोलीस चकित!

पोलिसांनी आरोपीकडून एकूण 8 दुचाकी आणि 3 गाड्यांचे सांगाडे जप्त केले आहेत. पोलिसांना मिळालेल्या माहितीनुसार, सदर बाजार पोलिस ठाण्याच्या हद्दीत दुचाकी चोरीचा तपास सुरू असताना हरिभाई प्रशालेच्या मागे साहिल संशयास्पद रित्या फिरत असल्याचे दिसले. पोलिसांनी त्याला एका दुचाकीसह पकडले. चौकशी केली असता त्याने दुचाकी चोरल्याची कबुली दिली. त्यानंतर त्याला ताब्यात घेऊन न्यायालयात हजर केले असता, पोलीस कोठडी सुनावण्यात आली.

चौकशीत साहिलने एकूण 11 दुचाकी चोरल्याचे उघड झाले. तो दुचाकी चोरून मित्रांकडे किंवा इतर ठिकाणी ठेवत असे. त्यानंतर तो गाडीचे वेगवेगळे पार्ट करून ते विकायचा, असे पोलिसांनी सांगितले. त्याने चोरी केलेल्या गाड्यांपैकी 6 गाड्या सदर बाजार पोलीस ठाण्याच्या हद्दीतून, 2 एमआयडीसी आणि 1 फौजदार चावडी जेलरोज पोलीस ठाण्याच्या हद्दीतून चोरल्याचे निष्पन्न झाले आहे. अजून एका चोरीचा तपास सुरू आहे.