Mumbai News: किती तो क्रूरपणा, शेजाऱ्याच्या मांजराला 5व्या मजल्यावरून दिला धक्का

या प्रकरणी मिळालेल्या माहितीनुसार, बोरिवली पश्चिम येथील 'कृष्णा क्लासिक' या इमारतीत म्हात्रे कुटुंब राहत आहे. त्यांच्याकडे 'चॉकलेट' नावाचं मांजर पाळलेलं होतं. घरामध्ये साफसफाई करत असताना ते आपल्या मांजराला फ्लॅटसमोर असलेल्या मोकळ्या पॅसेजमध्ये खेळण्यासाठी सोडत होते. रविवारी नेहमीप्रमाणे त्यांनी मांजराला फ्लॅटसमोर सोडलं होतं. काही वेळानंतर मांजर बेपत्ता झाली असता म्हात्रे कुटुंबीयांनी त्याचा शोध घेतला. त्यांचं मांजर इमारतीखाली मृतावस्थेत सापडलं. हा प्रकार संशयास्पद वाटल्याने म्हात्रेंनी फ्लॅटबाहेर लावलेले सीसीटीव्ही तपासले. त्याच इमारतीमध्ये राहणारे विलास पाठारे हे मांजराला मारहाण करून काठीने पाचव्या मजल्यावरून ढकलताना दिसले. या प्रकारामुळे संतापलेल्या म्हात्रेंनी पोलीस तक्रार दिली.