Trending:

Accident News : गोव्याची ट्रिप जीवावर बेतली, पॅराग्लायडिंग करताना दोघांचा भयानक मृत्यू

Published by:Prashant Gomane

Last Updated:January 19, 2025 2:40 PM IST

पुण्याची 27 वर्षीय शिवानी ही गोव्याच्या ट्रिपवर गेली होती. या ट्रिपवर असताना तिने पॅराग्लायडिंग करण्याचा निर्णय घेतला होता. ही पॅराग्लायडिंग करताना शिवानीचा आणि पॅराग्लायडिंग पायलटचा मृत्यू झाला आहे.

इम्पॅक्ट शॉटतुमचा गेटवे लेटेस्ट न्यूज

Goa Paragliding Accident : ट्रिप म्हटलं तर पॅराग्लायडिंग ही आलीच. पण पॅराग्लायडिंग करण्याचा मोह कुणालाचा आवरत नाही. पण ही बातमी वाचून कदाचित तुम्हाला मोह आवरावा लागेल.कारण पॅराग्लायडिंग करताना दोन जणांचा मृत्यू झाल्याची घटना घडली आहे. सुरक्षा नियमांकडे दुर्लक्ष केल्यामुळे हा अपघात झाल्याचे सांगण्यात आले आहे. याप्रकरणी आता पोलिसांनी तत्काळ गु्न्हा दाखल करून पॅराग्लायडिंग मालकाला अटक केली आहे.

सुत्रांकडून मिळालेल्या माहितीनुसार, पुण्याची 27 वर्षीय शिवानी ही गोव्याच्या ट्रिपवर गेली होती. या ट्रिपवर असताना तिने पॅराग्लायडिंग करण्याचा निर्णय घेतला होता. ही पॅराग्लायडिंग करताना शिवानीचा आणि पॅराग्लायडिंग पायलटचा मृत्यू झाला आहे. 18 जानेवारीला ही घटना क्री पठार,केरी, परनेम येथे घडली आहे.

खरं तर परवानगीशिवाय आणि योग्य सुरक्षा उपकरणांशिवाय पॅराग्लायडिंग केले जात होते. त्यामुळे हा अपघात घडल्याची माहिती आहे. पॅराशूटने डोंगरावरून उड्डाण केल्यानंतर ते आकाशात उडण्यापेक्षा थेट खाली कोसळलं होतं. त्यामुळे शिवानी आणि नेपाळी पायलट सुमन नेपाळी यांचा उंचीवरून कोसळून मृत्यू झाला होता.

कंपनी आणि तिच्या मालकाविरूद्ध मनुष्यवधाचा गु्न्हा दाखल करण्यात आला आहे. आरोपींवर परवानगीशिवाय आणि योग्य सुरक्षा उपकरणांची व्यवस्था न करता पर्यंटकाला पॅराग्लायडिंग नेल्याचा आरोप आहे. कंपनीच्या हलगर्जीपणामुळेच दोघांचा उंचीवरून पडून मृत्यू झाला आहे, अशी माहिती गोव्याचे पोलीस महासंचालक आलोक कुमार यांनी दिली.

दरम्यान या घटनेनंतर पोलिसांनी पॅराग्लायडींग कंपनीचा मालक शेखर रायजादा याला अटक करून त्याच्यावर सदोष मनुष्यवधाचा गुन्हा दाखल करण्यात आला आहे.

view comments

Location :

Goa

First Published :

January 19, 2025 2:40 PM IST

Accident News : गोव्याची ट्रिप जीवावर बेतली, पॅराग्लायडिंग करताना दोघांचा भयानक मृत्यू