'यांना सोडू नका, कापून टाका', जळगावात मध्यरात्री रक्तरंजित राडा, तिघांवर तलवारीने वार

नितीन नांदुरकर, प्रतिनिधी जळगाव: जळगावच्या भडगाव तालुक्यातील वाक येथे एक धक्कादायक घटना उघडकीस आली आहे. इथं कारमधून आलेल्या चार जणांनी तीन जणांवर जीवघेणा हल्ला केला केला आहे. आरोपींनी कारमधून उतरून थेट तलवारीने मानेवर आणि मनगटावर हल्ला केला आहे. या हल्ल्यात तिघेही गंभीर जखमी झाले आहेत. यावेळी आरोपींनी 'यांना सोडू नका, कापून टाका' अशी चिथावणी देखील दिली. रात्री उशिरा ही घटना घडल्यानंतर परिसरात खळबळ उडाली आहे.