Trending:

Mumbai Crime News : मालाड हादरलं! प्रॉपर्टीचा वाद जीवावर उठला, मित्रानेच मित्रावर झाडल्या गोळ्या, मुंबईतील घटनेने खळबळ

Published by:Shrikant Bhosale

Last Updated:September 28, 2025 2:00 PM IST

Mumbai Crime News : मुंबईतील कुरार पोलीस ठाण्याच्या हद्दीत संजय नगर, कुरार गाव येथे काल रात्री उशिरा गोळीबाराची धक्कादायक घटना घडली.

इम्पॅक्ट शॉटतुमचा गेटवे लेटेस्ट न्यूज

विजय वंजारा, प्रतिनिधी, मुंबई : मुंबईतील कुरार पोलीस ठाण्याच्या हद्दीत संजय नगर, कुरार गाव येथे काल रात्री उशिरा गोळीबाराची धक्कादायक घटना घडली. या गोळीबारात एक तरुण गंभीर जखमी झाला असून, त्याला उपचारासाठी तत्काळ जेजे रुग्णालयात दाखल करण्यात आले आहे. पोलिसांनी दिलेल्या प्राथमिक माहितीनुसार, गोळीबारानंतर आरोपी घटनास्थळावरून फरार झाला असून, त्याचा शोध घेण्यासाठी पोलीस पथके तयार करण्यात आली आहेत.

समोर आलेल्या माहितीनुसार, आरोपी आणि जखमी हे दोघेही मित्र आहेत. या दोघांमध्ये प्रॉपर्टीच्या वादातून भीषण वाद झाला आणि त्याचे पर्यवसान थेट गोळीबारात झाले. या घटनेमुळे स्थानिक परिसरात भीतीचं वातावरण निर्माण झालं आहे. प्रॉपर्टीच्या वादातून एकाने आपल्या मित्रावर थेट गोळ्या झाडल्या. या हल्ल्यात पीडित व्यक्ती गंभीर जखमी झाली असून, त्याला तातडीने जे. जे. रुग्णालयात दाखल करण्यात आले आहे.

आरोपीने वादातून एका ते दोन फायरिंग राऊंड केल्याची माहिती समोर आली. मध्यरात्रीच्या सुमारास गोळीबाराच्या आवाजाने परिसरात खळबळ उडाली. घटनेची माहिती मिळताच कुरार पोलीस ठाण्याचे अधिकारी घटनास्थळी दाखल झाले. गोळीबार करणारा आरोपी सध्या फरार असून, त्याचा शोध घेण्यासाठी पोलीस पथके रवाना करण्यात आली आहेत.

लहानपणापासूनच्या छळाने टोक गाठलं, तरुणानं वडिलांसह आजोबांना संपवलं

मुंबईतील अंधेरी भागातील दुहेरी हत्या प्रकरणाने मोठी खळबळ उडाली आहे. डिलीव्हरी बॉय म्हणून काम करत असलेल्या तरुणानं आपल्याच वडिलांसह आजोबांना संपवल्याची धक्कादायक घटना घडली. तरुणानं काकांवरही हल्ला केला. या घटनेनंतर तरुण रक्ताने माखलेला चाकू घेऊन पोलिसांसमोर हजर झाला. या कृत्यामागे त्याने लहानपणापासून सुरू असलेल्या छळाला कंटाळून पाऊल उचलत असल्याचे म्हटले.

अंधेरी पूर्वेतील संतोषी माता चाळीत 24 सप्टेंबरच्या मध्यरात्रीच्या सुमारास ही धक्कादायक घटना घडली. पोलिसांनी दिलेल्या माहितीनुसार, आरोपी चेतन भत्रे (23) डिलिव्हरी बॉय म्हणून काम करतो. तो बुधवारी (24 सप्टेंबर) पहाटे 1 वाजण्याच्या सुमारास एमआयडीसी पोलीस चौकीत आला आणि वडील, काका व आजोबांवर हल्ला केल्याची कबुली दिली.

Location :

Mumbai,Maharashtra

First Published :

September 28, 2025 1:59 PM IST

Mumbai Crime News : मालाड हादरलं! प्रॉपर्टीचा वाद जीवावर उठला, मित्रानेच मित्रावर झाडल्या गोळ्या, मुंबईतील घटनेने खळबळ