Crime News : मुलगी मोबाईलवर बोलत होती, बापाने खाटेच्या पायाने बांधून.. घटनेने रायगड हादरलं

सोशल मीडियाचा अतिरेक, मोबाईलचा वाढता वापर किंवा यातून निर्माण होणारं नात्यांमधलं संशयाचं भूत अलीकडे माणसाला एकमेकांचा जीव घेण्यापर्यंत माणुसकी विसरून वागायला भाग पाडतंय. मोबाईलच्या वापराचा अतिरेक नात्यांमध्ये नुसतेच तणाव निर्माण करत नाही तर त्यातून हत्या करण्यापर्यंतचे गुन्हे घडण्यासही लोक मागेपुढे बघत नाहीत, हे वास्तव बाप-लेकीच्या घटनेतून दिसत आहे. छत्तीसगडमध्ये एका पित्यानं आपल्या पोटच्या मुलीची बेदम मारून हत्या केली आहे. छत्तीसगडच्या रायगड जिल्ह्यात तमनार पोलिस ठाण्याच्या हद्दीत धौराभांठा इथं गुरुवारी संध्याकाळी साधारण साडेसातच्या सुमारास ही घटना घडली आहे. श्यामकुमार राठिया असं या पित्याचं नाव असून बाहरतीन राठिया (21) असं त्याच्या मुलीचं नाव आहे. ठाण्याचे प्रभारी आशीर्वाद राहटगावकर यांनी ही माहिती दिली आहे.