पुण्यात गजाआडही खुलली कला! कैद्यांनी कारागृहात बसून काढली चित्रं, इथं भरलंय प्रदर्शन

पुणे: पुणे शहरातील वाढत्या गुन्हेगारीवर नियंत्रण ठेवण्यासाठी विविध पातळ्यांवर प्रयत्न सुरू आहेत. त्याचाच एक भाग म्हणून महाराष्ट्र कारागृह प्रशासन आणि आदर्श मित्र मंडळाच्या संयुक्त विद्यमाने शिक्षा भोगून आलेल्या कैद्यांच्या पुनर्वसनासाठी विविध उपक्रम राबवण्यात येत आहेत. कारागृहात असताना दोन कैद्यांनी काढलेल्या चित्रांचे प्रदर्शन स्वर्गीय बाळासाहेब ठाकरे कलादालनात भरवण्यात आले आहे. या प्रदर्शनासंदर्भातील माहिती डॉ. मिलिंद भोर यांनी लोकल 18 ला दिली.