तुमच्याकडे ‘ही’ कार आहे का? परदेशातील हॉटेलमध्ये 10 दिवस..., भन्नाट स्कीम अन् भयानक कांड

टिळकवाडी येथील रहिवासी सुनील पाटील (63) यांना संशयित आरोपींनी फोन करून मुंबई नाका परिसरातील एका नामांकित हॉटेलमध्ये भेटीसाठी बोलावले. तिथे 'क्लब रिसॉर्ट व्हॅकेशन' नावाच्या खाजगी कंपनीच्या प्रतिनिधींनी पाटील यांना गाठले. संशयितांनी पाटील यांना सांगितले की, ठराविक नामांकित ऑटोमोबाईल कंपनीची कार वापरणाऱ्या ग्राहकांसाठी ही खास मेंबरशिप आहे. या मेंबरशिपअंतर्गत पुढील 15 वर्षे जगातील कोणत्याही कोपऱ्यात वर्षातील 10 दिवस विनामूल्य राहण्याची सुविधा मिळेल. या 'भन्नाट' स्कीमवर विश्वास ठेवून पाटील यांनी सभासदत्वासाठी 2 लाख रुपये दिले. मात्र, पैसे दिल्यानंतर आपली फसवणूक झाल्याचे लक्षात येताच त्यांनी पोलिसांत धाव घेतली.