ठरवून ठार मारलं? जंगलात रात्री नेमकं काय घडलं; मृत व्यक्तीची ओळख पटल्यानंतर एकच खळबळ उडाली
- Published by:Jaykrishna Nair
Last Updated:
Anti Naxal Encounter: मध्य प्रदेशातील मंडला जिल्ह्यात नक्षलविरोधी मोहिमेदरम्यान ठार झालेला व्यक्ती नक्षली नसून आदिवासी असल्याचे उघड झाले आहे. या घटनेने प्रशासनावर प्रश्नचिन्ह उपस्थित झाले असून, विरोधकांनी न्यायालयीन चौकशीची मागणी केली आहे. मृत व्यक्ती बैगा आदिवासी समुदायातील असून, त्याचा नक्षलवाद्यांसोबत संबंध होता की नाही, याबाबत तपास सुरू आहे.
मंडला (मध्य प्रदेश): मध्य प्रदेशातील मंडला जिल्ह्यात नक्षलविरोधी मोहिमेदरम्यान ठार झालेला व्यक्ती नक्षली नसून आदिवासी असल्याची माहिती एका अधिकाऱ्याने शनिवारी दिली. विरोधी पक्ष काँग्रेसने हा व्यक्ती निर्दोष असल्याचा दावा करत या प्रकरणाची उच्चस्तरीय आणि न्यायालयीन चौकशी करण्याची मागणी केली आहे.
अधिकाऱ्यांच्या माहितीनुसार, मृत व्यक्तीचे नाव हिरन सिंह पार्थ (वय ३८) असून तो आदिवासी गटातील बैगा समुदायाचा सदस्य होता. ही चकमक ९ मार्च रोजी झाली होती आणि मृत व्यक्तीची ओळख गुरुवारी पटली. बालाघाट विभागाचे पोलीस महानिरीक्षक (IG) संजय कुमार यांनी सांगितले की, पार्थ मंडला जिल्ह्यातील खटिया परिसरातील जंगलात नक्षलवाद्यांसोबत होता.
वर्ल्ड क्रिकेटमधील रेकॉर्ड; सचिनने जे केलं, ते आजवर कोणीच करू शकलं नाही
कुमार म्हणाले, तो नक्षलवाद्यांसोबत कसा होता? हा तपासाचा विषय आहे. नक्षली अनेकदा आदिवासींसोबत फिरतात. आम्ही तपासानंतरच त्याचा नक्षलवाद्यांसोबत असलेला संबंध स्पष्ट करू शकतो. अधिकाऱ्यांनी स्पष्ट केले की, सध्या पार्थ नक्षली असल्याचा कोणताही पुरावा नाही. तो लसारा टोला गावचा रहिवासी होता. तसेच, या चकमकीनंतर नक्षलवाद्यांशी संबंध असलेल्या दोन जणांना अटक करण्यात आली आहे.
advertisement
निवृत्त झालो तरी तो एक सामना खेळण्यासाठी मैदानावर परत येईन; विराटचे मोठे वक्तव्य
विरोधी पक्षांनी सरकारवर टीका करत निष्पक्ष चौकशीची मागणी केली असून स्थानिक आदिवासी समुदायानेही या प्रकरणाचा तपास करण्याची मागणी केली आहे.
Location :
Mumbai,Maharashtra
First Published :
Mar 16, 2025 4:18 PM IST
मराठी बातम्या/क्राइम/
ठरवून ठार मारलं? जंगलात रात्री नेमकं काय घडलं; मृत व्यक्तीची ओळख पटल्यानंतर एकच खळबळ उडाली
