राजा रघूवंशीच्या हत्येचं गुढ उलघडलं! सोनमसमोरच निर्दयीपणे झाला होता खून, आरोपींची धक्कादायक कबुली
- Published by:Saurabh Talekar
Last Updated:
Raja Raghuwanshi Murder Case : सोनमचा बॉयफ्रेंड राज याने तीन आरोपींना मेघालयमधील खर्चासाठी अंदाजे 40-50 हजार रुपये दिले होते. हत्याकांडाच्या वेळी सोनम रघुवंशी देखील तिथे उपस्थित होती, अशी माहिती समोर आली आहे.
Sonam Raghuwanshi Finish husband : गेल्या दोन आठवड्यापासून इंदोरच्या कपलची चर्चा होताना दिसतीये. राजा सूर्यवंशी याच्या हत्येनंतर मात्र खळबळ उडाली होती. अशातच या प्रकरणात सोनम सुर्यवंशी हिला अटक करण्यात आली होती. अशातच आता मोठी अपडेट समोर आली आहे. राजा रघुवंशीच्या हत्येप्रकरणी चार आरोपींनी आपला गुन्हा कबूल केला आहे. चौकशीदरम्यान, आरोपींनी सांगितलं की, त्यांनी राजा रघुवंशीची हत्या करून त्याचा मृतदेह एका खोल दरीत फेकून दिला होता. इंदूर क्राईम ब्रांचने आरोपींच्या या कबूलनाम्याची पुष्टी केली आहे, ज्यात राजाची पत्नी सोनम रघुवंशी ही मुख्य आरोपी आणि या कटाची सूत्रधार असल्याचे समोर आले आहे.
इंदूरहून ट्रेनने आधी गुवाहाटीला...
राजावर पहिला वार विशाल उर्फ विक्की ठाकूरने केला होता. आरोपींनी चौकशीत सांगितले की, ते इंदूरहून ट्रेनने आधी गुवाहाटीला गेले आणि तिथून शिलॉंगला पोहोचले. इंदूरहून थेट ट्रेन नसल्यामुळे, त्यांना मेघालयला पोहोचण्यासाठी अनेक ट्रेन्स बदलाव्या लागल्या, अशी माहिती क्राइम ब्राँचने दिली आहे.
हत्याकांडावेळी सोनम उपस्थित
advertisement
राज कुशवाह या संपूर्ण काळात इंदूरमध्येच होता, पण त्याने विशाल, आकाश आणि आनंद या तीन आरोपींना मेघालयमधील खर्चासाठी अंदाजे 40-50 हजार रुपये दिले होते. हत्याकांडाच्या वेळी सोनम रघुवंशी देखील तिथे उपस्थित होती. आरोपींनी सांगितले की, सोनम आपल्या पती राजाला मरताना बघत होती. यानंतर आरोपींनी राजाचा मृतदेह खोल दरीत फेकून दिला.
advertisement
अजून ठोस पुरावा नाही
इंदूर क्राईम ब्रांचच्या एसीपी पूनम चंद यादव यांनी सांगितलं की, या प्रकरणात सोनम इंदूरला परत आली होती की नाही, याची पुष्टी मेघालय पोलीसच करू शकतील. त्यांनी सांगितले की, या संदर्भात इंदूर पोलिसांना अजून कोणताही ठोस पुरावा मिळालेला नाही. इंदूरचा रहिवासी असलेल्या राजा रघुवंशीने सोनम रघुवंशीशी हत्येच्या 12 दिवस आधी लग्न केले होते. ते मेघालयमध्ये हनिमूनसाठी गेले होते. त्यानंतर 23 मे रोजी ते मेघालयच्या पूर्व खासी हिल्स जिल्ह्यातील सोहरा भागात होते, जिथून ते बेपत्ता झाल्याचे सांगितले जात होते. राजा रघुवंशीचा मृतदेह 2 जून रोजी एका दरीत सापडला होता.
advertisement
कपड्यावर हत्येचे डाग
एसीपी क्राईम ब्रांचने सांगितले आहे की, आरोपी विशालने हत्याकांड करताना जे कपडे घातले होते, ते विशालच्या घरातून जप्त करण्यात आले आहेत. ते फॉरेन्सिक तपासणीसाठी पाठवले जातील, जेणेकरून रक्ताचे डाग राजाचे आहेत की नाही याची पुष्टी होऊ शकेल. सोनम रघुवंशीला सोमवारी सकाळी उत्तर प्रदेशमधील गाझीपूर येथून ताब्यात घेण्यात आले होते. तिने चौकशीत सांगितले की, तिने मदतीसाठी एका ढाबा मालकाशी संपर्क साधला. तिला लुटण्याचा प्रयत्न करण्यात आला होता, त्यानंतर ती बेशुद्ध पडली आणि ती गाझीपूरला कशी पोहोचली हे तिला आठवत नाही, असा दावा तिने केला.
Location :
Indore,Madhya Pradesh
First Published :
June 11, 2025 7:34 AM IST
मराठी बातम्या/क्राइम/
राजा रघूवंशीच्या हत्येचं गुढ उलघडलं! सोनमसमोरच निर्दयीपणे झाला होता खून, आरोपींची धक्कादायक कबुली
