Pallavi Joshi : पहलगाम हल्ल्यानंतर अभिनेत्री पल्लवी जोशीचं धक्कादायक विधान, म्हणते 'तिकडे जाऊ नका, कारण...'

पहलगाम हल्ल्यानंतर देशभरातून तीव्र प्रतिक्रिया उमटल्या आहेत. पाकिस्तानी कलाकारांना भारतात पुन्हा एकदा बॅन करण्यात आले आहे. या हल्ल्यानंतर काश्मीरमधील पर्यटन व्यवस्था विस्कळीत झाली आहे. या राज्याची अर्थव्यवस्था पर्यटनावर अवलंबून आहे. मात्र या घटनेनंतर पर्यटकांनी या शहरांकडे पाठ फिरवली आहे. अशातच काश्मीरमधील रोजगाराला फटका बसू नये यासाठी सरकारसह अनेक सेलिब्रिटींनी काश्मीर आपलेच आहे म्हणत लोकांना तेथे जाण्याचे आवाहन केले आहे. ज्येष्ठ मराठी अभिनेते अतुल कुलकर्णी यांनीही स्वतः काश्मीर आणि पहलगाम येथे जात सर्वांना तेथे जाण्याचे आवाहन केले आहे.