Actress Life: सलग 30 तास शूटिंग, 3 दिवस उपाशी राहिली अभिनेत्री; सेटवरच पडली बेशुद्ध

बिग बॉस 19 मध्ये प्रवेश करण्यापूर्वी अशनूरने दिलेल्या एका मुलाखतीत तिच्या कारकिर्दीतील धक्कादायक अनुभव शेअर केले. ती सांगते, “वयाच्या 6 व्या वर्षी मी ‘शोभा सोमनाथ’ मध्ये काम करत होते. त्या काळात मला सलग 30 तास शूटिंग करावे लागले. एवढ्या लहान वयात एवढं काम करणं खूप अवघड होतं.”

तिने पुढे सांगितले की इतक्या तासांच्या शूटिंगनंतर ती थकून भागून व्हॅनिटी वॅनमध्ये कोसळली होती. तिची आई तिला काही तास झोपायला लावायची आणि बाहेर प्रॉडक्शन टीम थांबून असायची. झोपेतून उठल्या उठल्या अशनूर पुन्हा कॅमेऱ्यासमोर उभी राहायची.

पण खरी धक्कादायक गोष्ट म्हणजे अशनूरने स्वतःच उघड केलेली गोष्ट “मी माझ्या शरीरयष्टीबाबत खूप सजग झाले होते. कधी कधी काहीही न खाता फक्त पाण्यावर दिवस काढायचे. अगदी तीन दिवस उपाशी राहिले, तरी मी कोणालाही काही सांगितले नाही. यामुळे मी सेटवर बेशुद्धही पडले.”

सध्या मात्र अशनूरने स्वतःसाठी एक ठाम नियम बनवला आहे. ती म्हणते “आता मी दिवसाला जास्तीत जास्त 12 तासच काम करते. माझं आरोग्य माझ्यासाठी महत्त्वाचं आहे.”