बॉलिवूड अभिनेत्रीचा भर रस्त्यात तमाशा, पोलिसांसोबत वाद, नेमकं प्रकरण काय? VIDEO

Khushi Mukherjee : आपल्या बोल्ड अदांमुळे आणि वादग्रस्त विधानांमुळे चर्चेत राहणारी खुशी मुखर्जी पुन्हा एकदा चर्चेत आली आहे. ऐन दिवाळीत अभिनेत्रीने रस्त्यावर गोंधळ घातला. दरम्यान, तिची पोलिसासोबतही जोरदार बाचाबाची झाली. वादादरम्यानचा अभिनेत्रीचा व्हिडीओ सध्या सोशल मीडियावर चांगलाच व्हायरल होत आहे. या व्हिडीओमध्ये अभिनेत्री रस्त्यावर फटाके फेकताना आणि वाद घालताना दिसत आहे. मुंबई टीव्हीने शेअर केलेल्या व्हिडीओमध्ये, खुशी मुखर्जी फटाक्यांच्या दुकानात उभी राहून वाद घालताना दिसत आहे. अंधेरीतील लोखंडवाला भागातील हा व्हिडीओ असल्याचं म्हटलं जात आहे. व्हिडिओमध्ये खुशी मोठ्याने ओरडून तिच्या कारला धडक लागल्याची गोष्ट सांगताना दिसते. व्हिडिओमध्ये अभिनेत्रीची निळ्या रंगाची मर्सिडीज सेडान गाडी देखील दिसत आहे. व्हिडिओमध्ये ती म्हणत आहे,"सगळ्यांना दिवाळी साजरी करायची आहे, माझ्या गाडीला धडक देऊन पळून गेला आणि तुम्हाला फटाके विकायचे आहेत".