शाहरुख खानच्या जवळच्या व्यक्तीवर कोसळला दुःखाचा डोंगर, आईच्या निधनाने झाली हतबल, VIDEO VIRAL

पूजा ददलानीच्या आईचं निधन कसं झालं, याबद्दलची माहिती अजून समोर आलेली नाही. पण, सेलिब्रिटी फोटोग्राफर इन्स्टंट बॉलिवूडने एक व्हिडिओ सोशल मीडियावर शेअर केला आहे, ज्यात पूजा ददलानी खूप दुःखी आणि अस्वस्थ दिसत आहे. व्हिडिओमध्ये दिसतंय की, आईचं पार्थिव शरीर घेऊन ॲम्ब्युलन्स तिच्या घरी पोहोचल्यावर पूजा खूप हैराण झाली. कॅमेऱ्यासमोर आल्यावर ती फोटोग्राफर्सना रागात विचारताना दिसली की, “तुम्ही इथे काय करताय?”

पूजा ददलानी ही गेल्या १० वर्षांपासून शाहरुख खानच्या मॅनेजरची जबाबदारी सांभाळत आहे. शाहरुखच्या ‘रेड चिलीज एंटरटेनमेंट’ आणि त्याच्या आयपीएल टीम ‘कोलकाता नाइट रायडर्स’ चं कामही ती पाहते. २०२१ मध्ये जेव्हा आर्यन खान एका प्रकरणात अडकला होता, तेव्हा पूजा ददलानीने शाहरुखच्या कुटुंबाला खूप साथ दिली होती. ती सतत पोलीस स्टेशन आणि कोर्टाच्या फेऱ्या मारताना दिसली होती. त्यावेळी पूजा शाहरुखच्या कुटुंबाच्या किती जवळ आहे, हे दिसून आलं होतं.

पूजा ददलानीने मास कम्युनिकेशनमध्ये पदवी घेतली आहे आणि तिचं लग्न उद्योगपती हितेश गुरनानीशी झालं आहे. ती वर्षाला ७ ते ९ कोटी रुपये कमवते, तर तिची एकूण संपत्ती ४० ते ५० कोटींच्या आसपास आहे.