Govinda : राग सोडून भाचीच्या लग्नाला येणार का गोविंदा? सून म्हणाली, 'ते आले तर मी...'

मुंबई : गोविंदाची भाची आणि कॉमेडीचा बादशाह कृष्णाची बहीण आरती सिंग लवकरच लग्नबंधनात अडकणार आहे. आरती दिपक चौहानबरोबर 25 एप्रिलला लग्न करणार आहे. सध्या तिचे लग्नाआधीचे विधी धूम-धडाक्यात सुरु आहे. तिच्या संगीत, हळदी आणि मेहंदीचे फोटो समोर आले असून ते सोशल मीडियावर व्हायरल होत आहेत. तिच्यावर शुभेच्छांचा वर्षाव होत आहे. पण सध्या एकाच गोष्टींमुळं आरतीच्या लग्नाची चर्चा आहे, ती म्हणजे तिच्या लग्नात गोविंदा येणार की नाही. कृष्णा सुपरस्टार गोविंदाचा भाचा म्हणून इंडस्ट्रीत आला असला तरी या दोघांचं एका क्षुल्लक कारणामुळं भांडण झालं आहे. दोघांमध्ये अनेक वर्षांपासून अबोला आहे. त्यामुळेच आता हा रुसवा सोडून गोविंदा भाचीच्या लग्नाला येणार का याची चाहत्यांना उत्सुकता आहे. आता यावर गोविंदाची सून म्हणजेच कृष्णाची बायको कश्मिराने भाष्य केलं आहे.