KBC 17 News: पैठण तालुक्यातल्या शेतकर्‍याची कौतुकास्पद कामगिरी, कैलास कुंटेवाडचे अमिताभ बच्चकडून कौतुक; जिंकले 50 लाख

12 वी पर्यंत शिक्षण घेतलेल्या कैलास कुंटेवाड यांना आर्थिक परिस्थितीमुळे पुढे पदवीचं शिक्षण घेता आलं नाही. घरामध्ये हालाखीची परिस्थिती असल्यामुळे घराचं संपूर्ण आर्थिक गणित शेतीवरच अवलंबून होती. कैलास यांनी आपलं संपूर्ण ज्ञान युट्यूबवर व्हिडिओ पाहून आणि अनेक वेगवेगळे पुस्तक वाचून आपल्या ज्ञानामध्ये भर पाडली. सोनी टेलिव्हिजनवरील 'कौन बनेगा करोडपती' शोच्या 17 व्या सीझनमध्ये कैलास कुंटेवाड हॉटसीटवर बसले होते. सलग 14 प्रश्नांची अचूक उत्तरे देत कैलास यांनी कैलास यांनी 50 लाख रूपये जिंकले. त्यांच्या ज्ञानाचं आणि खेळाचंही बिग बी अमिताभ बच्चन यांनी कौतुक केले. 15 वा प्रश्न विचारण्यात आला, किंमत होती 1 कोटी रूपये.

जेव्हा कैलास यांना 1 कोटी रूपयांचा प्रश्न विचारण्यात आला, तेव्हा कैलास यांनी उत्तर देण्यासाठी लाइफलाइनचा वापर केला. त्यांनी आधी ‘व्हिडीओ कॉल अ फ्रेंड’ ही लाइफलाइन वापरली. पण तरीही उत्तराबद्दल शंका वाटत असल्याने पुढे त्यांनी ‘५०:५०’ लाइफलाइनचा वापर केला. पण, तरीसुद्धा त्यांना योग्य उत्तराची शंका होतीच. त्यामुळे त्यांनी धोका न पत्करता, शोमधून बाहेर पडण्याचा निर्णय घेतला आणि ५० लाख रुपये इतकी रक्कम जिंकली. कैलास यांनी 50 लाख कोणत्याही लाईफलाइनचा वापर न करता, अगदी यशस्वी पद्धतीने खेळ खेळले आहे. त्यामुळे कैलास यांचं कौतुक बिग बीच नाही तर, नेटकरीही करीत आहेत.