उदयपुरच्या ग्रँड वेडिंगमध्ये माधुरी दीक्षितचा 'चोली के पीछे' आणि 'डोला रे डोला'वर जबरदस्त डान्स, पाहा VIDEO

Madhuri Dixit : माधुरी दीक्षित 'धक धक गर्ल' म्हणून ओळखली जाते. तिने बॉलिवूडमधील अनेक गाण्यांत आपल्या डान्सने चाहत्यांची मने जिंकली आहे. अभिनेत्री आज वयाच्या 58 वर्षांतही आपल्या नृत्याने चाहत्यांना अचंबित करताना दिसतेय. नुकतंच अमेरिकन उद्योगपती राजू रामलिंगा मंटेना यांची मुलगी नेत्रा मंटेना आणि वामसी गदिराजू यांच्या उदयपूरमधील ग्रँड वेडिंगमध्ये माधुरी दीक्षितने 'चोली के पीछे' आणि 'डोला रे डोला'वर जबरदस्त डान्स केला. माधुरीच्या डान्सचे हे व्हिडीओ सध्या सोशल मीडियावर व्हायरल होत आहेत. उदयपूरमध्ये सुरू असलेल्या या भव्य लग्नसोहळ्यात आधीच रणवीर सिंग, जान्हवी कपूर, कृति सेनन आणि शाहिद कपूर यांसारख्या सेलिब्रिटींनी परफॉर्म केले आहे. तर जेनिफर लोपेझ आणि जस्टिन बीबर यांसारखे हॉलिवूड स्टार्स मुख्य लग्न सोहळ्यात परफॉर्म करताना दिसतील. पण सध्या माधुरीच्या जबरदस्त डान्स परफॉर्मन्सने सर्वांचं लक्ष वेधून घेतलं आहे.